यूहन्ना 5:30 - सिरमौरी नौवाँ नियम

³⁰ “हांव आपी शै किछै ना कौरे सौकु; हांव लोगौ का न्याय तैशैकैई कौरु जैशैखै पिता पौरमेशवर मुखै तिनका न्याय कौरणौ कै बौल़ौ। औरौ मैरा न्याय सोही औसौ; जिथुकै हांव आपणै इछा नी, पौरौ आपणै भैजणैवाल़ै कै इछा चोऊं।

Sirmouri

³⁰ “हाँव आपु किऐ ने करी सक्दा, मुँह बाबा कैई शी जैष्णी अज्ञाँ भेटो, हाँव तेष्णा ही फंऐस्ला करू; अरह् मेरा फ़ऐस्ला साच्चा हों, किन्देंखे के हाँव आप्णी हिछ़या ने, परह् आप्णें डेयाल़्णों वाल़े की हिछ़या पुरी केर्णों खे तैयार रंऊँ।

यूहन्ना 5:30 ပူးပေါင်းရင်းမြစ်များ

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

यूहन्ना 14:10

हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

यूहन्ना 18:11

तोबै यीशुए पतरसो खै बौल़ौ, आपणै तलवार म्‍यान दै राख। जू दुख मैरै पिता पौरमेशवरे मुखै दैय राए, का हांव तैसी ना सोऊं?

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 5:19

इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

यूहन्ना 8:50

पौरौ हांव आपणा आदर ना चोऊ पौरौ ऐक औसौ जू चांव कै मुखै आदर भैटौ औरौ सै सैजाई औसौ जू न्याय बै कौरौ।

रोमियों 15:3

जिथुकै मसीहे आपी कै खुशी ना कौरी, पौरौ जैशैखै पवित्र शास्त्र दो लैखै राए, “जिनु लोगै तैरै बैज्जती कौरे, तिनुऐ मैरै बै बैज्जती कौरे।”

रोमियों 2:2

औरौ आमै जाणुए कै पौरमेशवर सोही न्याय कौरौ। इथकारिए सै ऐशणै बुरै काम कौरणौवाल़ै लोगौ कै जौरुर सौजा दैंदा।

रोमियों 2:5

पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।