यूहन्ना 5:25 - सिरमौरी नौवाँ नियम

²⁵ “हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

Sirmouri

²⁵ “हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

यूहन्ना 5:25 ပူးပေါင်းရင်းမြစ်များ

लूका 15:24

जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 9:60

तैणै तैसीखै बौल़ौ, “जू लोग मौरेयौंदे कै जैशणै औसौ, तिनुखै ही आपणै लोगौ कै मौरणौ का इंतजार कौरणौ दैव, पौरौ तू जायौ खै पौरमेशवर कै राज्य का प्रचार कौर।”

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 4:21

यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

यूहन्ना 4:23

पौरौ सैजा सौमय आन्दा लागै रौआ, यानी आए ही गौआ, जिथमुंजी साची आराधना कौरणौवाल़ै पिता पौरमेशवर कै आराधना आत्मा औरौ सौचाई शै कौरदै, जिथुकै पिता पौरमेशवर आपणै कारिए ऐशणै आराधना कौरणौवाल़ै जूओं।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 5:28

ऐजौ सौबै शौणैबा हैरान ना हौ, जिथुकै सैजा सौमय आन्दा लाग रौआ, जोबै सौबै मौरेयौंदे लोग मैरै आवाज़ शुणल़ै तोबै सैजै जियुंदी हौए जांदै।

यूहन्ना 6:60

ऐजी सौबै बातौ शुणैबा यीशु कै चैलै मुंजीदै ओकी चैलै बौल़ौ, “ऐजी शिक्षा सौमझणौ कारिए बैजाए चैईथी औसौ, इनु कुण मानै सौकौ?”

यूहन्ना 8:43

जू बातौ हांव बुलू तुऐं किथु ना सौमझौ? इथकारिए कै तुऐं मैरी शिक्षा खै मानणौ शै मोना कौरौ।

यूहन्ना 8:47

जू कुणिए पौरमेशवर शै सौमबंध राखौ, सै पौरमेशवर कै बातौ शुणौ, औरौ तुऐं इथकारिए ना शुणौ कै तुऐं पौरमेशवर शै सौमबंध ना राखौ।”

यूहन्ना 9:27

तैणै तिनुखै बौल़ौ, “हांव तौ तुऔं खै बौल़ै दियु औरौ तुऐं ना शुणौ ऐबै दुजाल़ियो किथु शुणणा चांव, का तुऐं बै तैसकै चैलै बौणणा चांव?”

रोमियों 6:4

इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

इफिसियों 5:14

इयौं बौजैह शै लोग बौल़ौए, “ओए रै सुतणोवाल़ै बिज़ो औरौ मौरेयौंदे मुंजीदै जियुंदी हौव; तौ मसीह आपणौ पेयाशो तुऔं पांदी चोमकांदा।”

कुलुस्सियों 2:13

औरौ पौरमेशवरे तुऔं बै, जू आपणै पापौ औरौ खतना कै जैशणै बुरै स्‍वभाव दै पौड़ेयौंदे थिए, तैणै तुऔं मसीह कै साथै जियुंदी कौरे औरौ तोंवारै सौबै पापौ कै माफ कौरे।

प्रकाशितवाक्य 3:1

सरदीस शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जू सात तारै खै आपणै हाथौ दै लैयौ राखौ औरौ जू पौरमेशवर कै सात आत्माओं खै भैजौ, ऐजौ बौल़ौ कै, हांव तैरै कामौ खै जाणुए, कै तू मुं दा बिशवाश लायक बिशवाशी लागै तौ औसौ, पौरौ सौथीखै तू ऐबै मैरै पौछौड़ियौ ना चालै।