यूहन्ना 5:23 - सिरमौरी नौवाँ नियम

²³ जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

Sirmouri

²³ जिन्दें लई बादे लोग बैटे के भे तेष्णी ही आदर-ईज्जत करह्; जेष्णीं बाबा के आदर-ईज्जत करह्; किन्देंखे के जुण्जा कुँऐं बैटे की आदर-ईज्जत ने करदा, से बाबा के भे आदर-ईज्जत्त ने करदा; जिन्ऐं आप्णाँ बैटा डेयाल़ी थुवा थिया।

यूहन्ना 5:23 ပူးပေါင်းရင်းမြစ်များ

मत्ती 10:37

जू माँ बापू खै मुं दा जादा प्यार कौरौ, सै मैरै लायक ना आथी, औरौ जू बैटा या बैटी खै मुं दा जादा प्यार कौरौ, सै मैरा चैला बौणणौ कै लायक ना आथी।

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 12:21

औरौ सौबी देशो कै लोग तैसी पांदी आशा राखदै।”

मत्ती 15:8

‘ऐजै लोग ओठो लैई तौ मैरा आदर कौरौ, पौरौ तिनका मन मुं कैईंदा दूर औसौ।

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

यूहन्ना 14:1

यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 16:14

सै मैरै महिमा कौरदा, जिथुकै तैसी जू मैरै ढौबौशौ जू भैटी रौं, सैजौई तुऔं बोताला।

यूहन्ना 17:10

औरौ जू लोग मैरै औसौ सैजै सौबै तैरै औसौ; औरौ जू तैरौ औसौ सैजौ मैरौ औसौ; औरौ इथलैई मैरी महिमा प्रगट हौए रौए।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 15:12

औरौ तोबै पौरमेशवर कै बातौ बौताणौवाल़ै यशायाह नांव का आदमी बौल़ौ, “यिशै कै ऐक वंश प्रगट हौला, औरौ सै बैगानै यहूदी लोगौ पांदी राज कौरदा, बैगानै यहूदी लोग शै तैणै जू वादा कौरे राए थिया तैसी पूरा कौरदा औरौ सै तिनु बौचांदा।”

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 8:9

पौरौ जोबै कै पौरमेशवर का पवित्र आत्मा तुऔं दा बौसौ, तौ तुऐं पापी स्‍वभाव कै काबू दै ना आथी, पौरौ पवित्र आत्मा कै काबू दै औसौ। जै कोसी दी मसीह कै आत्मा ना आथी तौ तैसका मसीह शै नाता ना आथी।

1 कुरिन्थियों 1:3

अमारै पिता पौरमेशवर औरौ प्रभु यीशु मसीह कै ढौबौशै तुऔं अनुग्रह औरौ शान्तै भैटदै रौंव।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 16:22

ओए रै अमारै प्रभु, आए जा!

1 कुरिन्थियों 6:19

तुऐं जौरुर जाणौ कै तोंवारा शोरीर सैजा पवित्र मन्दिर औसौ, जिथै पवित्र आत्मा रौंव। औरौ पवित्र आत्मा जू तुऔं पौरमेशवर कै ढौबौशा भैटी रौआ, सैजा तुऔं दा बौसेयौंदा औसौ औरौ तुऐं आपणै ना आथी पौरौ पौरमेशवर कै औसौ।

2 कुरिन्थियों 1:9

यानी आमुए आपणै मन दौ सौमझै दियु थियु, कै आमु मौरणौ वाल़ै थिए कै आमै आपणा भोरोशा नी राखु, पौरौ आमै पौरमेशवर पांदी बिशवाश कौरु जू मौरेयौंदे कै जियुंदी कौरौ।

2 कुरिन्थियों 13:14

प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

2 कुरिन्थियों 5:14

जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

2 कुरिन्थियों 5:19

यानी पौरमेशवरे सौबी लोगौ कै खातिर बाट बाणै लौए थै कै जू किछै मसीहे कौरे राए तैसकै दवारा शान्तै कायम कौरे सौकौ, औरौ लोगौ कै पापौ कै दोष तिनु पांदी ना लैई, औरौ पौरमेशवरे शान्तै कै बारै मुंजी तैसकै सौंदेश खै बांटणौ का काम आमु दैय राए।

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

इब्रानियों 1:6

औरौ जोबै पौरमेशवरे आपणै बैजाए महान बैटै खै दुनिया दा भैजा, तौ बौल़ौए, कै “पौरमेशवर कै सौबै स्‍वर्गदूत बैटै कै आराधना कौरौ।”

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

1 यूहन्ना 2:23

जू कुणिए पौरमेशवर कै बैटै कै मौना कौरौ तैसीकैईं पिता पौरमेशवर बै ना आथी, जू बैटै खै मानै पांव, तैसीकैईं पिता पौरमेशवर बै औसौए।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।