यूहन्ना 5:22 - सिरमौरी नौवाँ नियम

²² पिता पौरमेशवर कोसी का बै न्याय ना कौरौ, पौरौ न्याय कौरणौ का सौबै काम मुखै सौंपै राए।

Sirmouri

²² बाबा कोसी का नियाँव ने कर्दे, किन्देंखे के तिन्ऐ नियाँव कर्णो का हंक-अधिकार सिर्फ आप्णें बैटे कैई ही देऐ थुवा।

यूहन्ना 5:22 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

यूहन्ना 5:27

जिथुकै हांव आदमी का बैटा औसौ, इथकारिए पिता पौरमेशवरे मुखै सौबी लोगौ का न्याय कौरणौ का औधिकार दैय राए।

यूहन्ना 9:39

तोबै यीशुए बौल़ौ, “हांव इयौं दुनिया पांदी ऐसी न्याय कौरणौ कारिए आए रौवा: कै आन्धै लोग दैखदै लागौ औरौ जू लोग दैखौए सैजै आन्धै हौए जांदै।”

प्रेरितो कै काम 10:42

औरौ तैणै आमु आज्ञा दै कै सौबी लोगौ मुंजी प्रचार कौरेया औरौ गवाही दैया कै यीशु सैजाई औसौ जैसी पौरमेशवरे जियुंदै औरौ मौरेयौंदे का न्यायी बाणै राए।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

2 कुरिन्थियों 5:10

जिथुकै जौरुरी औसौ, कै आमु सौबी का मसीह कै दवारा न्याय हौंदा, कै हरेक आदमी आपणै-आपणै भले बुरै कामौ का जू तैणै शोरीरो कै दवारा कौरे राए, तिथका बौदला पांव।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

1 पतरस 4:5

पौरौ ऐक दूसै सै निशोंक हौयौ पौरमेशवर कै सामणै न्याय कारिए खौड़ै हौंदै, औरौ पौरमेशवर तिनुमुंजी दौ सौबीआदो तिनकै दवारा धोरती पांदी कौरेयौंदे कामौ कै बारै मुंजी पूछदा। पौरमेशवर जियुंदी औरौ मौरेयौंदे लोगौ का न्याय कौरदा।