यूहन्ना 5:21 - सिरमौरी नौवाँ नियम

²¹ जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

Sirmouri

²¹ जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:21 ပူးပေါင်းရင်းမြစ်များ

यूहन्ना 11:25

यीशुए तियौंखै बौल़ौ, “हांव सैजा औसौ जू मौरेयौंदे लोगौ कै जिन्दगी दै पाछु लोऊ, औरौ हांव जीवन औसौ। इथकारिए जू कुणिए मुं पांदी बिशवाश कौरौ, जै सै मौरे बै जाला, तौ बै जियुंदी रौंदा।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

प्रेरितो कै काम 26:8

तोबै पौलुसे भीड़ दै सौबी यहूदी लोगौ खै बौल़ौ, तुऔं ऐजै बात नामुमकिन काए लागौ कै पौरमेशवर मौरेयौंदे लोगौ खै औटेयौ जियुंदी कौरे सौकौ?

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

1 कुरिन्थियों 15:45

पवित्र शास्त्र दो ऐजौ बै लैख राए कै, “इयौं धरती पांदी आगला आदमै,, जियुंदी प्राणी बौणा” औरौ आखिर का आदमी, जू कै मसीह औसौ, ऐजा सैजाई औसौ जू सौदा कै जिन्दगी दैंव।