यूहन्ना 5:20 - सिरमौरी नौवाँ नियम

²⁰ इथकारिए कै पिता पौरमेशवर जू प्यार मुं आरी कौरौ, औरौ जू-जू काम सै आपी कौरौ, सै सौबै मुखै दिखांव, औरौ हांव इनु दै बै बौड़ै काम तिनु दिखांदा, ताकि तुऔं हैरानी हौंव।

Sirmouri

²⁰ बाबा, बैटे शो प्यार करह्, अरह् जुण्जो किऐ बाबा आपु करह्; सेजो बैटा भे देखों ऐ; अरह् बैटा बाबा शे भे बड़े-बड़े काँम-काज़ करह्, जिन्दें देखियों लोगों के तूरबाँणच़ूटो।

यूहन्ना 5:20 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 4:8

तोबै शैतानै तैसीखै ऐक बैजाए बौड़ै धारो पांदी निया, औरौ सारै दुनिया कै राज्य औरौ तिथका ठाट-बाट दिखायौ

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 10:32

इथपांदी यीशुए तिनुखै बौल़ौ, “मोऐं तुऔं आपणै पिता पौरमेशवर कै ढौबौशै बौहितै भले काम दिखाए राए, तिनुमुंजी दै कोसी काम कारिए तुऐं मुखै मारणौ कारिए पाथर टिपो?”

यूहन्ना 14:12

“हांव तुऔं खै साचौ-साचौ बुलू, कै जू मुं पांदी बिशवाश राखौ, ऐजै काम जू हांव कौरु सैजै बै कौरदै, बल्कि इदै बै बौड़ै काम कौरदै, जिथु हांव पिता पौरमेशवर कै धोरे जांदा लागै रौआ।

यूहन्ना 15:15

ऐलो दै ऊबै हांव तुऔं नोकर ना बौलदा, जिथुकै नोकर ना जाणौ कै तैसका मालिक का कौरौ। पौरौ मोऐं तुऔं खै दोस्त राए बौल़ै, जिथुकै मोऐं जू बातौ आपणै पिता पौरमेशवर शै शौणै रैई, सैजी सौबै तुऔं बौताए दी।

यूहन्ना 17:26

मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 5:29

जिनुवै आपणै जीवन दै भोलाए कौरे राए सै सौदा कै जिन्दगी पाणौ कारिए मौरेयौंदे मुंजीदै जियुंदी हौंदै औरौ जिनुवै बुराई मुंजी जीवन बिताए राए, सै सौजा पाए जाणौ कारिए जियुंदी हौन्दै।”

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”