यूहन्ना 5:19 - सिरमौरी नौवाँ नियम

¹⁹ इथपांदी यीशुए तिनुखै बौल़ौ, हांव तुऔं खै साचौ-साचौ बुलू, “हांव यानी पौरमेशवर का बैटा आपी किछै ना कौरे सौकु, सिरफ सैजौई जू पिता पौरमेशवर कै कौरदै बैई दैखु, जिथुकै जिनु-जिनु काम कै सै कौरौ, तिनुखै हांव बै तैशैखैई कौरु।

Sirmouri

¹⁹ प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 5:19 ပူးပေါင်းရင်းမြစ်များ

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

यूहन्ना 10:18

कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

यूहन्ना 12:49

जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 12:50

औरौ हांव जाणुए कै तैसकै आज्ञा कै मानणै सौदा कै जिन्दगी कै ढौबौ लोए जांव इथकारिए हांव तुऔं सैजौई बौतौऊं, जू पिता पौरमेशवर मुंकैई बौल़ौ।”

यूहन्ना 14:10

हांव पिता पौरमेशवर दा औसौ औरौ पिता पौरमेशवर मुं दा औसौ। का तू इयौं बातौ पांदी बिशवाश ना कौरे? ऐजी बातौ जू हांव तुऔं बुलू, आपणी औरौ शी ना बुलू, पौरौ मैरा पिता मुं दा रौयौ सैजौई कौरौ जू सै चांवए।

यूहन्ना 2:19

यीशुए तिनुकै जोवाब दिया, “ऐसी मन्दिरो खै ढाल़ै दैंव, औरौ हांव ऐसीखै ती दूसौ दा दुजाल़ियो बाणै दोऊंबा।”

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

यूहन्ना 8:28

तोबै यीशुए बौल़ौ, “जोबै तुऐं मुखै आदमी कै बैटै खै क्रूसो पांदी चौढ़ाल़ै, तोबै तुऐं जाणदै कै हांव सैजाई औसौ जू शुरु शै तुऔं उपदैश दैंदा औरौ बौतांदा आए रौआ कै हांव ही औसौ, औरौ आपी शै किछै ना कौरु। पौरौ जैशै मैरै पिता पौरमेशवरे मुखै शिखाए राए ऐशैखैई हांव ऐजी सौबै बातौ बुलू।

यूहन्ना 9:4

जांव तौड़ी दूस औसौ, आमु भैजणौवाल़ै कै काम दौ लागैयौंदो रौणौ जौरुरी औसौ, जिथुकै सैजै रात आणौवाल़ै औसौ, जिथमुंजी कुणिए बै काम ना कौरे पांदै।

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

रोमियों 6:4

इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

रोमियों 8:11

औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

1 कुरिन्थियों 15:12

इथकारिए ऐबै हांव तुऔं कैईंदु ऐजौ पूछणु चोऊं: जिथुकै आमै सौबीए तुऔं मुंजी ऐजाई प्रचार कौरे राए कै जोबै मसीह मौरे गौआ तौ पौरमेशवरे तैसी औटेयौ मौरेयौंदे मुंजीदा जियुंदी कौरे दिया।

2 कुरिन्थियों 4:14

जिथुकै आमै जाणुए, जैणै प्रभु यीशु खै मौरेयौंदे मुंजीदा जियुंदी कौरा, पौरमेशवर आमु बै यीशु कै साथै रौणौ कारिए जियुंदी कौरदा औरौ तुऔं लोगौ कै साथै आमुखै बै आपणै पौरमेशवर कै सामणै खौड़ा कौरदा।

2 कुरिन्थियों 5:10

जिथुकै जौरुरी औसौ, कै आमु सौबी का मसीह कै दवारा न्याय हौंदा, कै हरेक आदमी आपणै-आपणै भले बुरै कामौ का जू तैणै शोरीरो कै दवारा कौरे राए, तिथका बौदला पांव।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

इफिसियों 3:16

हांव प्रार्थना कौरु कै, पौरमेशवर आपणी महिमा कै कौलोंई खत्म ना हौणौवाल़ै धन शै तुऔं ऐजा दाण दैंव, कै तुऐं तैसकै आत्मा शै आपणै भीतरै अनौखी शौकतै पायौ मोजबूत हौए जांव।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

कुलुस्सियों 1:16

जिथुकै ऐजा सैजाई मसीह थिया जैणै सौब ठुँ बाणणौ मुंजी पौरमेशवर कै साथै काम कौरा, चाहै स्वर्ग की चीज़ौ हौंव, या धोरती की चीज़ौ हौंव, दैखैयोंदी या अणदेखी हौंव, औरौ राजाओं, प्रभुताएं, प्रधानताएं, औरौ औधिकार, सौबै चीज़ौ तैसकै दवारा औरौ तैसीकै आदर दैणौ कारिए बाणै रैई।

1 थिस्सलुनीकियों 4:14

जै आमै बिशवाश कौरु, कै यीशु मौरा, औरौ जियुंदी बै हौए गौआ, तौ तैशैखैई पौरमेशवर तिनुखै जू यीशु दै मौरे गौवै, औटेयौ जियुंदी कौरदा, औरौ यीशु मसीह कै साथै स्वर्ग दै पाछु निंदा।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।