यूहन्ना 5:13 - सिरमौरी नौवाँ नियम

¹³ पौरौ जू बीमार आदमी ठीक हौए गौआ थिया, सै ना जाणौ थिया कै सैजा आदमी कुण औसौ; जिथुकै तैसी जौगैह दै बैजाए भीड़ हौणौ की बौजैह शै यीशु तिथैदा गायब हौए गौआ थिया।

Sirmouri

¹³ परह् सेजा चाँग्गा हुवा अंदा आदमी ऐजो जाँणों ने थिया, के सेजा आदमी कुँण थिया; किन्देंखे के तेथै बैजाऐ बै-शुमार लोगो के बड़ी भीड़ थी, अरह् प्रभू यीशू तेथै शे आगु हुटी रूऐ थिऐ।

यूहन्ना 5:13 ပူးပေါင်းရင်းမြစ်များ

लूका 24:31

तोबै पौरमेशवरे तिनकै सौमझ खोले दै; औरौ तिनुऐ यीशु कै पोयछाणै पाए, औरौ सै तिनकै आखियांदा छिपै गौआ।

लूका 4:30

पौरौ सै तिनकै बीचो मुंजीदा बौचेयौ आगु हौटा।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 5:12

तिनुऐ तैसी कैईंदु पूछु, “सैजा कुणजा आदमी औसौ जैणै ताखै बौल़ौ, ‘कुटड़ौ टीप औरौ आगु हांड?’”

यूहन्ना 5:14

इनु बातौ कै बाद सै यीशु खै मन्दिरो कै आँगणो दा भैटा, तोबै तैणै तैसीखै बौल़ौ, “दैख, तू तौ ठीक हौए गौआ, औरौ हौजौ कौलोंई पाप नै कौरेया ऐशैखै नै हौंव कै तैरा हाल इथैदा बै जादा बुरा हौए जांव।”

यूहन्ना 8:59

तोबै तिनुऐ यीशु कै मारणौ कारिए पाथर टिपै, पौरौ सै चुपकै शै मन्दिरो कै आँगणो पौरैशा निकल़ै गौआ।