यूहन्ना 4:36 - सिरमौरी नौवाँ नियम

³⁶ औरौ फसल काटणौ वाल़ै आगै ही काम कौरे लौआ, औरौ आपणै धियाड़ी पाए लोए, औरौ सै ऐजौ औसौ, कै तिनुऐ तिनु लोगौ कै कौठै कौरे लौवै जू सौदा कै जिन्दगी पालै, कै बौणौवाल़ा औरौ काटणौवाल़ा दुईनै खोशे मौनालै।

Sirmouri

³⁶ शाख्ह सह्लाणों वाल़े खे धियाड़ी भेट्‍दी, अरह् से सदा के अमर-जीवन खे शाख्ह सलाँव, परह् जैने शाख्ह कंट्ठी कराऐ लंऐ, सेजा जींम्दार बोंणों वाल़ा, अरह् शाख्ह सह्लाणों वाल़ा, ऐजे दुईन्नें मीलियों खुशी-आनन्द मंनाँव।

यूहन्ना 4:36 ပူးပေါင်းရင်းမြစ်များ

मत्ती 19:29

औरौ जैसी कोसीए घोरो या भाईयों या माँ-बापू या नानड़िया या बागड़ी खै मैरै नांव कारिए छोड़े राए, तिनुखै शौ गुणा भेटदो: औरौ सै सौदा कै जिन्दगी का औधिकारी हौंदा।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

रोमियों 1:13

औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

1 कुरिन्थियों 9:18

तौ का औसौ मैरा इनाम? ऐजाई कै यीशु मसीह का सुसमाचार का प्रचार मुफ्त दा कौरदा रोऊं, ऐजै मैरै तनखा औसौ, मुं कारिए ऐजौ जौरुरी औसौ कै हांव बिना तनखा कै सुसमाचार शुणौऊं, भलैई मुखै आपणा खर्चा मांगणौ का हक औसौ।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।