यूहन्ना 4:23 - सिरमौरी नौवाँ नियम

²³ पौरौ सैजा सौमय आन्दा लागै रौआ, यानी आए ही गौआ, जिथमुंजी साची आराधना कौरणौवाल़ै पिता पौरमेशवर कै आराधना आत्मा औरौ सौचाई शै कौरदै, जिथुकै पिता पौरमेशवर आपणै कारिए ऐशणै आराधना कौरणौवाल़ै जूओं।

Sirmouri

²³ परह् सेजा बख्त आँदा लागा मतल्व आऐ रूआ, जबे साच्चै आरार्धना कर्णो वाल़े भगत्त लोग, आत्त्मा अरह् सच्चाई शी परंम-पिता की आरार्धना कर्ले; किन्देंखे के परंम-पिता पंण्मिश्वर ऐष्णें ही आरार्धना कर्णों वाल़े चहाँव।

यूहन्ना 4:23 ပူးပေါင်းရင်းမြစ်များ

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 12:23

इथपांदी यीशुए तिनुखै बौल़ौ, “कै सैजा सौमय आए गौआ, कै मुं आदमी कै बैटै कै महिमा हौंव।”

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 4:21

यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 5:28

ऐजौ सौबै शौणैबा हैरान ना हौ, जिथुकै सैजा सौमय आन्दा लाग रौआ, जोबै सौबै मौरेयौंदे लोग मैरै आवाज़ शुणल़ै तोबै सैजै जियुंदी हौए जांदै।

रोमियों 1:9

पौरमेशवर जैसकै सेवा मोऐं पूरै दिल शै तैसकै बैटै कै बारै मुंजी सुसमाचार लोगौ कै शुणायौ कौरु, सैजाई पौरमेशवर मैरा गवाह औसौ, कै हांव आपणी प्रार्थनाओं दै तुऔं लोगौ कै लगातार याद कौरेया कौरु।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

रोमियों 8:26

ऐशैखैई पवित्र आत्मा बै अमारै मौदद कौरौ जोबै पौरमेशवर दा अमारा भोरोशा कमजोर औसौ, जिथुकै आमै ना जाणु कै, प्रार्थना कैशैखै कौरणी चैंई; पौरौ पवित्र आत्मा आपी ही ऐशणी शुशकार भोरेयौ अमारै खातिर बिन्ती कौरौ जू ब्‍याँ कौरणौ शै बायरै औसौ,

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 3:3

जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।