यूहन्ना 4:21 - सिरमौरी नौवाँ नियम

²¹ यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

Sirmouri

²¹ प्रभू यीशू ऐ तियों खे बुलो, “ओ तिरंई! मेरी बातो का बिश्वाष करह्, के सेजा बख्त आँदा लागा, जबे तुँऐं लोग ना तअ ईयों धारह् गाशी, ‘पंरम-पिता पंण्मिश्वर के आरार्धना कर्ले; अरह् ना यरूशलेम दी।’

यूहन्ना 4:21 ပူးပေါင်းရင်းမြစ်များ

मत्ती 18:20

जिथुकै जिथै दो या तीन मैरै चैलै हौणौ कै बौजैह शै कौठै हौंव, तिथै हांव तिनकै बीच मुंजी होऊं।”

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

लूका 21:24

सै तलवारों लैई मारै जांदै औरौ तिनु कोयदी बाणैयौ दुनिया कै सौब देशो दै पोऊंचाए जांदै; औरौ जौल़ौ तौड़ी बैगानै जाति का सौमय पूरा ना हौंदा, तौलौ तौड़ी यरूशलेम शहर कै लोगौ खै बैगानै यहूदी कै लोग जेंगदै।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 4:23

पौरौ सैजा सौमय आन्दा लागै रौआ, यानी आए ही गौआ, जिथमुंजी साची आराधना कौरणौवाल़ै पिता पौरमेशवर कै आराधना आत्मा औरौ सौचाई शै कौरदै, जिथुकै पिता पौरमेशवर आपणै कारिए ऐशणै आराधना कौरणौवाल़ै जूओं।

यूहन्ना 5:25

“हांव तुऔं कै साचौ-साचौ बुलू, सैजा सौमय आन्‍दा लागै रौआ, औरौ आए ही गौआ, जिथमुंजी मौरेयौंदे लोग मैरी यानी पौरमेशवर कै बैटै की आवाज़ शुणदै, औरौ जू शुणदै सैजै हमैशा कारिए जिन्‍दै।

यूहन्ना 5:28

ऐजौ सौबै शौणैबा हैरान ना हौ, जिथुकै सैजा सौमय आन्दा लाग रौआ, जोबै सौबै मौरेयौंदे लोग मैरै आवाज़ शुणल़ै तोबै सैजै जियुंदी हौए जांदै।

प्रेरितो कै काम 6:14

जिथुखै आमुए ऐसी ऐजौ बौलदै बैई शौणै राए कै ऐजा नासरत गांव का यीशु ऐसी मंदिर कै ढाल़ै दैंदा, औरौ तिनु भौवारो खै बौदलै दैंदा जू मूसाए आमु कै दैय राए।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 3:14

इथकारिए हांव, पौलुस, तोंवारै खातिर पिता पौरमेशवर शै प्रार्थना कौरु।

1 तीमुथियुस 2:8

हांव चोऊं कै हर जौगैह सभाओ दै सैजै मर्द जू पवित्र जीवन जियौं, आपणै हाथौ खै टिपयौ, बिना खीजै औरौ बिना बैहस कै प्रार्थना कौरेया कौरौ।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

प्रकाशितवाक्य 21:22

मोऐं कुणजाई मन्दिर ना दैखी जिथुकै सौबिदा बौड़ा शौकतीशाली पौरमेशवर औरौ मेम्ना तैसी शहर दै औसौ। इथकारिए तिथै मन्दिर कै किछै जौरुरत ना आथी।