यूहन्ना 4:10 - सिरमौरी नौवाँ नियम

¹⁰ यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

Sirmouri

¹⁰ प्रभू यीशू ऐ तियों खे जबाब दिता, “जे तू पंण्मिश्वर के बरदाँन पंह्छ़याँदी, अरह् ऐजो भे जाँण्दी के ऐजा कुँण असो; ‘जेने मुँह कैई शो पाँणी माँगी लो’, तअ तू तेसी कैई शो माँगदी अरह् से ताँव्खे अमर जीवन को जल देंदा।”

यूहन्ना 4:10 ပူးပေါင်းရင်းမြစ်များ

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

यूहन्ना 16:3

ऐजौ सैजै इथकारिए कौरदै कै तिनुऐ पिता पौरमेशवर कै ना जाणी औरौ ना मुखै जाणौ।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 6:35

यीशुए तिनुखै बौल़ौ, “जीवन कै रोटै हांव औसौ, जू मैरै धोरे आला सै कौलोंई भूखा ना हौंदा औरौ जू मुं पांदी बिशवाश कौरला सै कौलोंई तिशा ना हौंदा।

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

प्रेरितो कै काम 9:11

तोबै प्रभुए तैसी बौल़ौ, “बिज़यो, ‘सीधी’ नांव कै गल़ी दा जा, औरौ यहूदा कै घोरो दा शाऊल नांव कै ऐक आदमी कै बारै मुंजी पूछै पा; जू तरसुस शहर का रौणौवाल़ा औसौ जिथुकै तैणै प्रार्थना कौरे लोए,

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 10:4

तिनु सौबीए सैजौ पाणी पियुं जू पौरमेशवरे तिनु दियु थियु। तिनुऐ ऐकी चट्टान शै निकल़णौ वाल़ै पाणी खै पियुं, औरौ आमै तियौं चट्टान कै तुलना मसीह शै कौरे सौकौ जैणै तिनकै साथै रौयौ तिनु जीवन दिया।

2 कुरिन्थियों 9:15

आखिर दै, आमु सौबी खै पौरमेशवर का धन्यवाद कौरणा चैंई जिथुकै तैणै आमुखै सौबिदा बौड़ा तौफा यानी आपणै बैटै खै दिया, जैसका शब्दो लैई ब्यान ना कौरे सौकु।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

इब्रानियों 6:4

जिथुकै जू लोग आपणै बिशवाश कै छोड़ दैंव, तिनु औटेयौ पाप कौरणै छोड़ दैणौ कै ठाँव दै पाछु ना लाए सौकौ। तिनुऐ तियौं सौचाई कै पोछैयाणै जू पौरमेशवर कै ढौबौशै आंव, औरौ स्वर्ग शै वरदान पाए राए औरौ तिनु ओकीआरी मिलैयौ पवित्र आत्मा भैटी।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।

प्रकाशितवाक्य 21:6

तोबै तैणै मुखै बौल़ौ, “ऐजी सौबै बातौ पूरी हौए गोई। हांव अल्फा औरौ ओमेगा औसौ, यानी आदि औरौ अंत औसौ। जू कुणिए बै तीशै औसौ, हांव तैसी तिथ पाणी कै फटवाणी पौरैशौ ऐई मुंजी पिणौ कारिए दैंदा जू बिना अंत का जीवन दैंव।

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”