35 पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।
35 बाबा, बैटे आरी प्यार करह्, अरह् तेने सब-कुछ़ आप्णें बैटे के हाथों दो देऐ दितो।
“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”
तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”
यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।
पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”
मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”
यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्वर कै धोरे पाछु जांदा लागै रौआ।
जैशै पिता पौरमेशवरे मुं आरी प्यार राख राए, तैशैकैई मोऐं तुऔं आरी प्यार राखा, मैरै प्यार दै बौणैयौंदे रौंव।
जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।
हांव तिनुदा औरौ तू मुं दा कै सै सिध्द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।
मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”
इथकारिए कै पिता पौरमेशवर जू प्यार मुं आरी कौरौ, औरौ जू-जू काम सै आपी कौरौ, सै सौबै मुखै दिखांव, औरौ हांव इनु दै बै बौड़ै काम तिनु दिखांदा, ताकि तुऔं हैरानी हौंव।
पिता पौरमेशवर कोसी का बै न्याय ना कौरौ, पौरौ न्याय कौरणौ का सौबै काम मुखै सौंपै राए।
जोबै पवित्र शास्त्र बौल़ौ कै पौरमेशवर सौबै ठुँ तैसकी शौकतै कै अधीन कौरे दैंदा तौ इथमुंजी पौरमेशवर शामिल ना आथी जिथुकै ऐजा पौरमेशवर ही थिया जैणै सौबै ठुँ मसीह कै शौकतै कै अधीन कौरे राए थियु।
पौरमेशवरे सौबी चीज़ौ कै मसीह कै औधिकार कै अधीन कौरे राए। पौरमेशवरे तैसीकै कलीसिया पांदी ठोगड़े कै रुप दा चोणे राए।
पौरौ इनु आखरी दूसौ दी आमुआरी आपणै बैटै यीशु मसीह कै दवारा बातौ कौरी। पौरमेशवरे आपणै बैटै कै दवारा सारी दुनिया कै बाणै औरौ तैसीखै सौबी चीज़ौ का वारिस ठैहरोऊवा।
औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्वर्गदूतौ औरौ सौबी औधिकारी औरौ शौकतै पांदी राज कौरौ।