यूहन्ना 3:33 - सिरमौरी नौवाँ नियम

³³ पौरौ जैणै तैसकै गवाही ग्रहण कौरे पाए, तैणै इयौं बातौ पांदी छाप लाए दै कै पौरमेशवर साचा औसौ।

Sirmouri

³³ जेने कुँणिऐ तिनकी गुवाऐ-शाज़्त्त माँनी पाऐ, तेने ऐजो साबित्त करी पाँव; के पंण्मिश्वर साच्चा असो।

यूहन्ना 3:33 ပူးပေါင်းရင်းမြစ်များ

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 8:26

तोंवारै बारै मुंजी मुखै बौहितु किछै बौलणौ औरौ तोंवारा न्याय कौरणा; पौरौ मैरा भैजणौवाल़ा पौरमेशवर साचा औसौ; औरौ जू मोऐं तैसीयांदो शौणै राए, सैजौई दुनिया कै लोगौ खै बुलूए।

रोमियों 15:28

इथकारिए, हांव सौबिदा आगै यरूशलेम शहर कै जांदा लागै रौआ ताकि तिनु ऐजी कौठै कौरेयौंदे मौदद राशि दियु। तिथकै बाद, तोबै हांव रोम देश दा आयौ तुऔंआरी भैटिणौ कै बाद इसपानिया देश दा जांदा।

रोमियों 4:11

पौरमेशवरे तैसी खतना हौणौ दै आगैई धरमी साबित कौरे राए थिया, खतने का निशान ऐजौ दिखांव कै पौरमेशवर तैसी धरमी सौमझौ। पौरमेशवर बिशवाश कौरणौवाल़ौ का आत्मिक पिता औसौ पौरौ जिनका खतना ना हौए रैई। तोबै बै सैजै लोग आपणै बिशवाश कै जरिए ही धरमी गिणै जालै।

1 कुरिन्थियों 9:2

जै औकै लोग ऐजौ ना मानौ कै हांव प्रभु यीशु का चोणेयौंदा चैला औसौ, तौ तुऔं भाईयों खै ऐजौ मानणौ चैंई। जिथुकै हांव सैजाई औसौ जू तोंवारै धोरे सुसमाचार लोयो आए रौआ थिया। प्रभु यीशु दा तोंवारा बिशवाश ऐजौ साबित कौरौ कै हांव सौथी कै तैसका चोणेयौंदा चैला औसौ।

2 कुरिन्थियों 1:18

जैशैखै पौरमेशवर भरौशेलायक औसौ, जू आमै तुऔं कै बुलू सैजौ हमैशा साचौ औसौ, कै अमारै तैसी वचन लैई जू तुऔं खै बौल़ै राए हां औरौ ना दुईनै ना पाए जांव।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

इब्रानियों 6:17

इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

1 यूहन्ना 1:10

जै आमै बुलूए कै आमै पाप ना कौरु, तौ आमै पौरमेशवर खै झूठा बाणौ, औरौ जू वचन सै बौल़ौए तैसीखै ना तौ सौमझौ औरौ ना मानौ।