यूहन्ना 3:21 - सिरमौरी नौवाँ नियम

²¹ पौरौ जू सौचाई पांदी चालौ, सै पेयाशो कै नेड़िक आंव, ताकि तैसकै काम प्रगट हौए जांव कै जू पौरमेशवर चांव सैजौ कौरौ।”

Sirmouri

²¹ परह् जुण्जा सच्चाई दा चालो, से पैयाषे के नंजीक आँव, ईन्देंखे के तेस्के करे अंदे आच्छे काँम-काज़ देखाई दे आँव, किन्देंखे के सेजे आछ़े काँम-काज़ पंण्मिश्वर की तरफ शे करे ज़ाँव।”

यूहन्ना 3:21 ပူးပေါင်းရင်းမြစ်များ

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

यूहन्ना 3:20

जिथुकै जू कुणिए बुराए कौरौ, सै पेयाशै शै बैर राखौ, औरौ पेयाशै कै नेड़िक ना आंव, ताकि तैसकै पाप सामणै नी आंव।

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

1 कुरिन्थियों 15:10

इथकारिए हांव पौरमेशवर कै अनुग्रह लैई चोणेयौंदा चैला औसौ। औरौ तैसकै अनुग्रहे शै मैरै जीवन दा बोड़ा बदलाव आया। मोऐं औकै कोसी बै चोणेयौंदे चैलै शै बौढ़ेयौ मैहनत बै कौरे, तौ बै ऐजौ मैरै ढौबौशौ ना आथी पौरौ पौरमेशवर कै अनुग्रह मुखै तैसका काम कौरणौ दै मौदद कौरे।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

गलातियौं 6:8

जिथुकै जू आदमी सैजौ कौरौए जू तैसका पापी स्‍वभाव चांव, सै दैखदा कै ऐजौ तैसी कारिए मौत लोयो आन्दौ। पौरौ जू आदमी पौरमेशवर कै आत्मा कै इछा खै पूरी कौरौ सै दैखदा कै आत्मा तैसी सौदा कै जिन्दगी दैंदा।

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 यूहन्ना 1:6

जै आमै बुलू कै पौरमेशवर कै साथै आमै शामिल औसौ पौरौ तोबै बै जू बुरै काम औसौ सैजैई कौरु तौ आमै झूठु बुलू औरौ सौचाई कै साथै ना जियुं।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।

प्रकाशितवाक्य 3:15

हांव तैरै कामौ खै जाणुए, कै तू ना तौ मुं पांदी आपणै बिशवाश शै मुकरे औरौ ना ही मुखै पूरै मन शै प्यार कौरे। हांव चोऊं कै तू मैरा इन्कार कौरे दै या मुंआरी पूरै मन शै प्यार कौर।