यूहन्ना 3:15 - सिरमौरी नौवाँ नियम

¹⁵ ताकि जू कुणिए मुं पांदी बिशवाश कौरौ सै सौदा कै जिन्दगी पांव।”

Sirmouri

¹⁵ किन्देंखे के ऐक नाँम आदमी तिन्दा बिश्वाष करह्; अरह् तिनू अमर-जीवन भेंटो।

यूहन्ना 3:15 ပူးပေါင်းရင်းမြစ်များ

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

लूका 19:10

जिथुकै हांव आदमी का बैटा लोगौ कै सौदा कै सौजा शै बौचाणौ औरौ तिनका उध्दार कौरदा आए रौआ।”

यूहन्ना 1:12

पौरौ जैतरै लोगै तैसी अपनोऊवा, तैणै तिनु पौरमेशवर कै सन्‍तान हौणौ का औधिकार दिया, यानी तिनु जू तैसी पांदी बिशवाश कौरौ।

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यूहन्ना 6:47

हांव तुऔं खै साचौ-साचौ बुलू, कै जू कुणिए बिशवाश कौरौ, सौदा कै जिन्दगी तैसकै औसौ।

प्रेरितो कै काम 13:41

“ओए रै नेंदैया कौरणौवाल़ौ, दैखौ, औरौ हैरान हौं, औरौ मिट जाव; जिथुकै हांव तोंवारै दूसौ दा ऐक काम कौरु; ऐशणा काम, कै जै कुणिए तुऔं शै तैसखै चौर्चा कौरौ, तौ तुऐं कौलोंई बै बिशवाश ना कौरदै।”

प्रेरितो कै काम 8:36

बाटो दै चालदै-चालदै तिनुऐ बाटो कै किनारे ऐक तालाब दैखा, तोबै खोज़े बौल़ौ, “दैख इथै तालाब औसौ ऐबै मुखै बपतिस्मा लोणो दा का रौक औसौ?”

रोमियों 5:21

कै जैशै सौबै लोगै पाप कौरा औरौ सै सौबै मौरे गौवै, तैशैखैई अमारै प्रभु यीशु मसीह कै दवारा पौरमेशवर का अनुग्रह तिनु धरमी औरौ सौदा कै जिन्दगी दैंदा।

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

2 कुरिन्थियों 4:3

चाहै लोग तैसी सुसमाचार खै ना सौमझै सौकौ जू आमु प्रचार कौरु, तौ ऐजौ नाश हौणौवाल़ौ ही कारिए तिनदु छिपैयौंदो औसौ।

गलातियौं 2:16

तोबै बै आमु यहूदी बिशवाशी जाणुए कै मूसा कै कानून का पालन कौरेयौ कुणजाई बै आदमी पौरमेशवर कै नज़र दा धरमी ना ठोहरदा। पौरौ सिरफ यीशु मसीह पांदी बिशवाश कौरणौ कै दवारा धरमी ठोहराए जांव। इथकारिए आमुए आपी बै यीशु मसीह पांदी बिशवाश कौरा, कै आमै मूसा कै कानून कै कामौ लैई नी पौरौ यीशु मसीह पांदी बिशवाश कौरणौ शै धरमी ठोहरदै; जिथुकै मूसा कै कानून का पालन कौरणौ शै कुणिए बै आदमी धरमी ना ठोहरदा।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।