यूहन्ना 3:11 - सिरमौरी नौवाँ नियम

¹¹ हांव ताखै साचौ-साचौ बुलू, कै आमै जू जाणुए, सैजौ बुलू, औरौ जैसी आमै दैखी राए तैसकी गवाही दियु, औरौ तुऐं अमारै बौलेयौंदी बातौ पांदी बिशवाश ना कौरदै।

Sirmouri

¹¹ हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

यूहन्ना 3:11 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 23:37

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए जिनु तोंवारै धोरे छाड़ै राए थिए। किशैक बैई मोऐं ऐजौ चोऊ कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तोंवारै नानड़िया कै कौठै कौरु, पौरौ तुऐं ऐजौ ना चांव।

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 1:11

सै आपणै लोगौ कै बीच मुंजी ओऊवा औरौ तैसीखै आपणै लोगै ठुकराए दिया।

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 12:49

जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 14:24

जू मुं आरी प्यार ना कौरौ, सै मैरी शिक्षा कै ना मानौ, औरौ जू बातौ तुऐं शौणै रैई, सै मैरी नी पौरौ मैरै पिता पौरमेशवर की औसौ, जैणै मुखै भैज राए।”

यूहन्ना 3:12

जोबै मोऐं तुऔं धरती पांदी हौणौवाल़ी बातौ कै बारै मुंजी बौतौऊं, औरौ तुऐं तोबै बै बिशवाश नै कौरदै, तौ जै हांव तुऔं खै स्वर्गो दी हौणौवाल़ी बातौ बुलू तौ तुऐं कैशैखै बिशवाश कौरदै?

यूहन्ना 3:13

कुणिए स्वर्गो दा ना हौटै रैई, सिरफ हांव आदमी का बैटा स्वर्ग शै धैनै आए रौआ।

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

यूहन्ना 3:5

यीशुए जोवाब दिया, “हांव ताखै साचौ-साचौ बुलू, जांव तौड़ी कुणिए आदमी पाणी औरौ पवित्र आत्मा शै ना जन्मो तौ सै पौरमेशवर कै राज्य दै जाए ना सौकौ।

यूहन्ना 5:43

हांव आपणै पिता पौरमेशवर कै औधिकार शै आए रौआ, औरौ तुऐं मुखै ना अपनांव, जै कुणिए ओका आपणै औधिकार शै आंव, तौ तुऐं तैसी अपनाए पांव।

यूहन्ना 7:16

यीशुए तिनु जवाब दिया, “मैरा उपदैश मैरा आपणा ना आथी, पौरौ ऐजौ पौरमेशवर कै ढौबौशौ औसौ जैणै मुखै छाड़ै राए।

यूहन्ना 8:14

यीशुए जवाब दिया, “भले ही हांव आपणै गवाही आपी दियु, तोबै बै मैरी गवाही ठीक औसौ, जिथुखै हांव जाणुए कै हांव कुकै दा आए रौआ, औरौ कुकै जाणौ, पौरौ तुऐं ना जाणौ कै हांव कुकै दा ओऊं या कुकै जोऊं।

यूहन्ना 8:26

तोंवारै बारै मुंजी मुखै बौहितु किछै बौलणौ औरौ तोंवारा न्याय कौरणा; पौरौ मैरा भैजणौवाल़ा पौरमेशवर साचा औसौ; औरौ जू मोऐं तैसीयांदो शौणै राए, सैजौई दुनिया कै लोगौ खै बुलूए।

यूहन्ना 8:38

मोऐं तुऔं खै तिनु चीज़ौ खै बौताए लोई जू मोऐं आपणै पिता पौरमेशवर धोरे दैखी रैई; औरौ तुऐं सैजौई कौरदै रौंव, जू तुऐं आपणै पिता शै शौणै राए।”

प्रेरितो कै काम 22:18

औरौ तैसीखै दैखा की सै मुखै बौल़ौ, ‘तावल़ो कौरेयौ यरूशलेम शहर पौरैशा आगु जा; जिथुकै सैजै लोग जू इथैशै औसौ मैरै बारै मुंजी तैरी गवाही ना मानदै।’

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण: