यूहन्ना 21:7 - सिरमौरी नौवाँ नियम

⁷ तोबै सैजा चैला जैसीआरी यीशु प्यार कौरौ थिया, पतरस कै बौल़ौ, ऐजा तौ प्रभु औसौ, शमौन पतरसे ऐजौ शोणेयो कै सै प्रभु औसौ, तौ तैणै आपणै सैजै खोटणो बाम्बै जू तैणै काम कौरदै बैई उंढे राए थिए खोले, औरौ झीलो दै फाल़ मारै।

Sirmouri

⁷ तबे तेने चैले ऐ जेसी आरी प्रभू यीशू प्यार करह् थिऐ; तेने पतरस खे बुलो, “ऐजे तअ प्रभू असो!” शमौन पतरस ऐ ऐजो शुँणियों; आप्णी लाँकी दा तोलिया बाँना अरह् तेने झीलो दी छ़ाल़ी माँरी, किन्देंखे के से नाँगी थिया।

यूहन्ना 21:7 ပူးပေါင်းရင်းမြစ်များ

मरकुस 11:3

जै कुणिए तुऔं कैईंदु पूछौ, ‘ऐजौ किथुखै कौरे लौ? तौ बौलेया, प्रभु खै इथकै जौरुरत औसौ,’ औरौ सै तावल़ो पाछु दैय दैंदा।”

लूका 12:35

“हमैशा सेवा कौरणौ कारिए तैयार रौया, औरौ रात भोरै आपणा दिवा बाल़ेयो राखैया औरौ मैरै पाछु आणौ कारिए तैयार रौया।

लूका 2:11

कै ऐलो राजा दाऊद कै बैतलहम शहर दा तुऔं कारिए ऐक उध्दार कौरणौवाल़ा जन्मे रौआ, औरौ ऐजाई मसीह प्रभु औसौ।

लूका 7:47

“हांव ताखै बुलू; कै ऐजै मुखै जादा प्यार इथकारिए कौरौ जिथुकै इयौंकै पाप माफ कौरे राए जू बौहितै थिए; पौरौ जिनकै दैणिक पाप माफ कौरे राए सै मुंआरी दैणी शा प्यार कौरौ।”

यूहन्ना 13:23

तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया।

यूहन्ना 19:26

यीशुए आपणी माँ औरौ तैसी चैलै खै जैसीआरी सै प्यार राखौ थिया आपणै धोरे खौड़ै दैखैयो आपणी माँ खै बौल़ौ, ओए रै माँ, दैख, ऐजा बैटा तैरा औसौ।

यूहन्ना 20:2

तोबै सै दोऊड़ी औरौ शमौन पतरस औरौ तैसी ओकी चैलै कै धोरे जैसीआरी यीशु प्यार राखौ थिया, आयौ कै बौल़ौ, “सै प्रभु कै लाशो खै कब्रो पौरैशा गाड़ेयो लोऐ गौवै; औरौ आमुए ना जाणु कै तैसी कुकै राख राए।”

यूहन्ना 20:20

औरौ ऐजौ बौलेयौ तैणै तिनु आपणै हाथ औरौ आपणै पसली कै घाव दिखाए। तोबै चैलै प्रभु कै दैखैयो कै बैजाए खुशी हुवे।

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 21:20

पतरसे फिरैयौ तैसी चैलै कै पाछु आन्दै दैखा जैसीआरी यीशु प्यार राखौ थिया औरौ जू खाणौ कै सौमय तैसकै पोशो दा बौठै रौआ थिया जैणै पौछै राए थियु, “ओए रै प्रभु तैरा थोमाणौवाल़ा कुण औसौ?”

यूहन्ना 21:24

जैसी चैलै ऐजौ सौबै ठुँ दैखौ, तैणै गवाही दैय राए, ताकि तुऐं बै यीशु पांदी बिशवाश कौरे सौकौ। औरौ तैसकै गवाही साची औसौ। औरौ सै जाणौए कै सै सौचाई शै बौल़ौ।

यूहन्ना 21:8

पौरौ औकै चैलै किश्‍ती पांदी माछी कौ भोरयोंदो जाल खिंचदै बैई ओऊवे, जिथुकै सै किनारे दै जादा दूर नी थी, सिरफ शो मीटर कै लमसम दूर थिए।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

1 कुरिन्थियों 15:47

आगला आदमी जू आदम थिया, धोरती पौरैशा यानी माटी लैई बौणेयौंदा थिया। मसीह जू कै दूजा आदमी औसौ, स्वर्ग पौरैशा ओऊवा।

2 कुरिन्थियों 5:14

जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

याकूब 2:1

ओए रै मैरै भाईटु, तुऐं अमारै महिमा दैणै वाल़ा प्रभु यीशु मसीह कै चैलै औसौ इथकारिए तुऔं मुंजी भैदभाव कै भावना नी हौंव।