यूहन्ना 21:23 - सिरमौरी नौवाँ नियम

²³ इथकारिए बिशवाशी भाईयों मुंजी ऐजै बात फोयलै गौए, कै सैजा चैला मौरदा ना। तोबै यीशुए तैसीखै ऐजौ नी बुली, कै सै ना मौरदा; पौरौ ऐजौ कै, “जै हांव चोऊं कै सै मैरै पाछु आणौ तौड़ी जियुंदी रौंव, तौ ताखै इंदु का?”

Sirmouri

²³ ईन्देंखे बिश्वाषी भाऐ-बंईणों मुँझी सेजी बात फऐली गऐ, के ऐजा चैला कंद्दी ने मंर्दी, तबे भे प्रभू यीशू ऐ तेस्खे ऐजो ने बुली; के तू कंद्दी ने मर्दी; परह् तिन्ऐ ऐजो बुलो, के “जे हाँव चहाँऊ, के ऐ मेरे पाछू आणों तोड़ी ईथी रंह्दा, तअ तेरे ईन्दें शो का लणों?”

यूहन्ना 21:23 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 28:14

तिथै आमुखै किछै बिशवाशी भाई भैटी, औरौ तिनकै बौलणौ शै आमै तिनकै इथै सात दूसौ तौड़ी रौवै; औरौ ऐशैखैई तिनकै साथै रौणौ कै बाद, पौयदल हांडेयो रोम शहर खै ढौबौ चाल पौड़ै।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

1 कुरिन्थियों 11:26

हर सौमय जोबै तुऐं ऐजी रोटी खालै औरौ ऐसी छानै पौरैशौ अंगूर का रस पिलै, तौ प्रभु कै मौत खै जांव तौड़ी सै ना आंव, तुऐं प्रचार कौरौ।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

याकूब 5:7

इथकारिए ओए रै भाईटु, प्रभु कै आणौ तौड़ी धीरज धोरो, जैशै किसान बागड़ी कै कीमती फसल कै आशा राखौ औरौ आगली औरौ पाछल़ी बारिश हौणौ तौड़ी धीरज शै ठोल़नाए कौरौ, ताकि फसल बौढ़ौ औरौ काटणौ कारिए तैयार हौंव।