यूहन्ना 21:16 - सिरमौरी नौवाँ नियम

¹⁶ यीशुए हौजौ दुजाल़ियो तैसीखै बौल़ौ, “ओए रै शमौन यूहन्ना का बैटा का तू मुं आरी प्यार कौरे?” तैणै तैसी बौल़ौ, “हां, प्रभु तू तौ जाणै की हांव तांवआरी प्यार कौरु।” तैणै तैसी बौल़ौ, “मैरै लोगौ कै दैखभाल कौर जैशैखै ऐक चौराईया आपणै भेड़ो कै दैखभाल कौरौ।”

Sirmouri

¹⁶ प्रभू यीशू ऐ हजो दुज़ालिऐं संत्त-पतरस शो पुह्छ़ो; “हे शमौन यूहन्ना का बैटा! कियो तू मुँह शो प्यार करे ऐ?” तेने तिनखे बुलो, “होर, प्रभू जी! तुँऐं जाँणों ऐ के हाँव तुँओं आरी प्यार करू,” प्रभू यीशू ऐ शमौन-पतरस खे बुलो, “मेरी भैंड़ो की देख्ह-भाल़ करह्।”

यूहन्ना 21:16 ပူးပေါင်းရင်းမြစ်များ

मत्ती 2:6

‘ओए रै यहूदिया प्रदेश कै बैतलहम गांव, तू कोसी बै बौजैह शै यहूदा कै ओधिपतियो मुंजीदा सौबिदा नानड़ा ना आथी, इथकारिए तांव पौरैशा ऐक ओधिपति निकल़दा, जू मैरै प्रजा इस्राएल देश कै लोगौ का चौराईया बोणदा।’”

मत्ती 25:32

औरौ सौब जाति कै लोग मैरै धोरे खौड़ै कौरे जांदै, औरौ जैशैखै चौराणौवाल़ा भेड़ो खै बकरियों शै जोई कौरौ, ऐशैखैई हांव बै तिनुकै ऐकी-दूजै शै जौई कौरे दैन्दा।

मत्ती 26:72

तैणै शौं खायौ हौजौ मना कियु, “हांव ऐसी आदमी कै ना जाणु।”

लूका 19:10

जिथुकै हांव आदमी का बैटा लोगौ कै सौदा कै सौजा शै बौचाणौ औरौ तिनका उध्दार कौरदा आए रौआ।”

यूहन्ना 18:17

तोबै तियौं नोकरानीए जू दवारो पांदी खौड़ै थी, पतरस कै बौल़ौ, “कै तू बै ऐसी आदमी कै चैलै मुंजीदा औसौ?” तोबै तैणै बौल़ौ, “हांव ना आथी।”

यूहन्ना 18:25

शमौन पतरसे खौड़ै हौयौ आग सैक लोए थै। तोबै तिनुऐ तैसीखै बौल़ौ कै तू बै तैसकै चैलै मुंजीदा तौ नी औसौ? तोबै सै भाजै गौआ औरौ बौल़ौ, “हांव ना आथी।”

यूहन्ना 21:17

यीशुए तिजाल़ियों बौल़ौ, “ओए रै शमौन यूहन्ना का बैटा का तू मुं आरी प्यार कौरे?” पतरस उदास हौआ, कै यीशुए तिजाल़ियों तैसीखै ऐशै बौल़ौ, “का तू मुं आरी प्यार कौरे?” औरौ तैणै तैसी बौल़ौ, “ओए रै प्रभु तू तौ सौबै जाणै: तू ऐजौ बै जाणै कै हांव तांवआरी प्यार कौरु।” यीशुए तैसी बौल़ौ, ऐक चौराईया कै जैशणै मैरै लोगौ की जौरुरतौ कै पूरी कौर।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”