यूहन्ना 21:15 - सिरमौरी नौवाँ नियम

¹⁵ खाणौं खाणौ कै बाद यीशुए शमौन पतरस कै बौल़ौ, “ओए रै शमौन यूहन्ना का बैटा का तू सौथी कै इनु ओकी चैलै दा जादा बौढ़ेयौ मुं आरी प्यार कौरे?” शमौन पतरसे यीशु कै बौल़ौ, “हां, प्रभु तू तौ जाणै कै हांव तांवआरी प्यार कौरु।” यीशुए तैसीकै बौल़ौ, “मैरै चैलै कै दैखभाल कौर जैशैकै ऐक चौराईया आपणै भेड़ो कै दैखभाल कौरौ।”

Sirmouri

¹⁵ खाँणा खाऐयों, प्रभू यीशू ऐ शमौन पतरस कैई शो पुह्छ़ो; “हे शमौन यूहन्ना का बैटा! कियो तू ईनू सोभी शो जादा, मुँह आरी प्यार करे?” तेने जबाब दिता; “होर, प्रभू जी! तुऐं जाँणों ऐं; के हाँव तुओं आरी प्यार करू।” तबे प्रभू यीशू ऐ तेस्खे बुलो, “मेरे छैल़्टू चराओं।”

यूहन्ना 21:15 ပူးပေါင်းရင်းမြစ်များ

मत्ती 10:37

जू माँ बापू खै मुं दा जादा प्यार कौरौ, सै मैरै लायक ना आथी, औरौ जू बैटा या बैटी खै मुं दा जादा प्यार कौरौ, सै मैरा चैला बौणणौ कै लायक ना आथी।

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मत्ती 18:10

दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मत्ती 26:33

इथपांदी पतरसे तैसीखै बौल़ौ, “जै बैशक सौबै ताखै छोड़ेयौ खै भागी जालै पौरौ हांव ताखै छोड़ेयौ कौलोंई ना भागदा।”

मत्ती 26:35

पतरसे तैसीखै बौल़ौ, “जै मुखै तैरै साथै मौरणौ बै पोड़लो, तौ बै हांव कौलोंई ना मुकरदा कै हांव ताखै ना जाणु।” औरौ ऐशैखैई सौबी चैलै बै बौल़ौ।

मरकुस 14:29

पतरसे तैसीखै बौल़ौ, “जै बैशक सौबै ताखै छोड़ेयौ भागी जालै पौरौ हांव ना भागदा।”

लूका 12:32

“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

यूहन्ना 1:42

अन्द्रियासे शमौन खै यीशु कै धोरे लियोऊवा, यीशुए तैसीखै ध्यान शै दैखा औरौ बौल़ौ, “तू यूहन्ना का बैटा शमौन औसौ, तू कैफा यानी पतरस बौला जाला।”

यूहन्ना 13:37

पतरसे तैसीखै बौल़ौ, “ओए रै प्रभु, इबी हांव तैरै पौछौड़ियौ काए ना आए सौकु? हांव तौ तांव कारिए मौरणौ कै बै तैयार औसौ।”

यूहन्ना 16:27

जिथुकै पिता पौरमेशवर तौ आपी बै तुऔं आरी प्यार राखौ, इथकारिए कै तुऐं मुंआरी प्यार राख राए औरौ ऐजा बै बिशवाश कौरे राए कै हांव पिता पौरमेशवर की ढौबौशा आए रौआ।

यूहन्ना 21:12

यीशुए तिनु बौल़ौ, “आव, खाणौं खोऊंबे, चैलै मुंजी दी कोसी कै हिम्मत नी होई कै तैसीयांदो पूछौ, तू कुण औसौ?” जिथु सै जाणौ थिए कै ऐजाई ही प्रभु औसौ।

यूहन्ना 21:7

तोबै सैजा चैला जैसीआरी यीशु प्यार कौरौ थिया, पतरस कै बौल़ौ, ऐजा तौ प्रभु औसौ, शमौन पतरसे ऐजौ शोणेयो कै सै प्रभु औसौ, तौ तैणै आपणै सैजै खोटणो बाम्बै जू तैणै काम कौरदै बैई उंढे राए थिए खोले, औरौ झीलो दै फाल़ मारै।

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

प्रेरितो कै काम 20:29

हांव जाणुए, कै मैरै जाणौ कै बाद तोंवारै बीच मुंजी झूठै गुरु आन्दै औरौ बिशवाशियौं खै भोरमांदै। सै तिनु फाड़णौवाल़ै भेड़िए कै जैशणै हौंदै जू भेड़ो खै मारै दैंव।

रोमियों 14:1

जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 8:11

ऐशैखैई तैरै ज्ञान की बौजैह शै जू बिशवाशी भाए बिशवाश दा कमजोर औसौ सै मसीह दा बिशवाश कौरणा बंद कौरे दैंदा, जैसी कारिए यीशु मसीहे आपी कै बलिदान कौरा।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

इब्रानियों 13:20

औरौ ऐबै शान्तै का पौरमेशवर, जैणै अमारै प्रभु यीशु खै मौरेयौंदे मुंजीदा औटेयौ लियोऊवा, तुऔं तिनु सौबी चीज़ौ लैई भरपूर कौरौ जिथकी तुऔं तैसकै इछा पोरे कौरणौ कारिए जौरुरत औसौ। यीशु मसीह कै शौकतै कै दवारा तैणै तुऔं मुंजी सैजौ सौबै पौयदा कौरे राए जू तैसी खुशी कौरौ। यीशु हमैशा कै कौरार कै दवारा भेड़ो का महान रोखवाल़ा बौणै गौआ, तैणै आपणी मौत शै आपणै भेड़ो कै झुंड कै साथै कौरार कै स्थापना कौरे जू हमैशा कारिए बौणैयौंदे रौंदी। आमीन।

इब्रानियों 4:13

औरौ दुनिया कै कुणजै चीज़ पौरमेशवर शै छिपै ना रैई, जू किछै बै आमुए आपणै जीवन दौ कौरे राए, आमु तैसी हर काम का हिसाब दैणा पौड़दा, जिथुकै तैसकै सामणै सौबै चीज़ौ खोल़ेयौंदी औरौ प्रकट औसौ।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।