यूहन्ना 20:28 - सिरमौरी नौवाँ नियम

²⁸ ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

Sirmouri

²⁸ तबे थोंमा ऐ जबाब दिता; “हे मेरे प्रभू! हे मेरे पंण्मिश्वर!”

यूहन्ना 20:28 ပူးပေါင်းရင်းမြစ်များ

मत्ती 14:33

इथपांदी जू किश्‍ती दै थिए, तिनुऐ तैसीखै झोकैबा ढाल़ कौरेयौ बौल़ौ, “तू सौथी कै, पौरमेशवर का बैटा औसौ।”

लूका 24:52

तोबै सै तैसकै आराधना कौरेयौ बौहितै खुश हुवे, औरौ यरूशलेम शहर खै पाछु हौटै गौवै।

यूहन्ना 1:1

इयौं सारै दुनिया कै बाणणौ दै औगौड़ियौ ऐजौ थियु, जैसी वचन बौल़ै जांव, सैजा पौरमेशवर कै साथै थिया, औरौ सैजा पौरमेशवर थिया।

यूहन्ना 20:16

यीशुए तियौं बौल़ौ, मगदेला गांव कै मरियम। तैणै पौछौड़ियौ फिरैयौ कै तियौंकै इब्रानी भाषा दो बौल़ौ रब्‍बूनी जिथका मतलब औसौ ओए रै गुरु।

यूहन्ना 20:27

तोबै तैणै थोमा खै बौल़ौ, “आपणै गोठै इथै लायौ मैरै हाथौ कै दैख औरौ आपणा हाथ लायौ कै मैरै पसली दा पा, औरौ शक कौरणा बंद कौर, पौरौ बिशवाश कौर कै हांव मौरेयौंदे मुंजीदा जियुंदी हौए गौआ।”

यूहन्ना 20:29

यीशुए तैसीखै बौल़ौ, तुऐं तौ मुखै दैखैयो बिशवाश कौरे राए। धन्‍य औसौ सैजै जिनुवै मुं पांदी बिना दैखै बिशवाश कौरे राए।

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।