यूहन्ना 20:2 - सिरमौरी नौवाँ नियम

² तोबै सै दोऊड़ी औरौ शमौन पतरस औरौ तैसी ओकी चैलै कै धोरे जैसीआरी यीशु प्यार राखौ थिया, आयौ कै बौल़ौ, “सै प्रभु कै लाशो खै कब्रो पौरैशा गाड़ेयो लोऐ गौवै; औरौ आमुए ना जाणु कै तैसी कुकै राख राए।”

Sirmouri

² ऐजो देखियों से बिच़्ड़ियों शमौन-पतरस अरह् तेसी ओकी चैले कैई आऐ, जेसी आरी प्रभू यीशू प्यार करह् थिऐ; तिऐ मरियम ऐ तिन कैई बुलो, “तिन्ऐं प्रभू खात्ती-कबर शे आगु नींऐ, अरह् हाँव ऐजो ने जाँण्दी के तिन्ऐ तिनू कैथे थंऐ थुऐ।”

यूहन्ना 20:2 ပူးပေါင်းရင်းမြစ်များ

यूहन्ना 13:23

तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया।

यूहन्ना 19:26

यीशुए आपणी माँ औरौ तैसी चैलै खै जैसीआरी सै प्यार राखौ थिया आपणै धोरे खौड़ै दैखैयो आपणी माँ खै बौल़ौ, ओए रै माँ, दैख, ऐजा बैटा तैरा औसौ।

यूहन्ना 20:13

तिनुऐ तियौंखै बौल़ौ, “ओए रै बैटमाणिश, तू किथु रौ रौए?” मरियमे तिनुखै बौल़ौ, “सैजै मैरै प्रभु कै लाश कै लोए गौवै औरौ हांव ना जाणु कै तैसी कुकै राखै राए।”

यूहन्ना 20:15

यीशुए तियौं बौल़ौ, ओए रै बैटमाणिश, तू किथु रो रौए? कोसी कै जौए लौआ? मरियमे तैसी बगीचै का माल़ी सौमझेयौ कै तैसीखै बौल़ौ, ओए रै साहब, जै तुऐं तैसकै लाश कै टिपै राए तौ मुंआ बौताए दै कै तुऐं तैसी कुकै राखै राए, औरौ हांव तैसी आगु लोए जांदै।

यूहन्ना 20:9

सै पवित्र शास्त्र दो यीशु कै बारै मुंजी लैखैयौंदे इयौं बात कै इबी तौड़ी सौमझी ना रैई थी, कै सै मौरेयौंदे मुंजीदा औटेयौ जियुंदा हौंदा।

यूहन्ना 21:20

पतरसे फिरैयौ तैसी चैलै कै पाछु आन्दै दैखा जैसीआरी यीशु प्यार राखौ थिया औरौ जू खाणौ कै सौमय तैसकै पोशो दा बौठै रौआ थिया जैणै पौछै राए थियु, “ओए रै प्रभु तैरा थोमाणौवाल़ा कुण औसौ?”

यूहन्ना 21:24

जैसी चैलै ऐजौ सौबै ठुँ दैखौ, तैणै गवाही दैय राए, ताकि तुऐं बै यीशु पांदी बिशवाश कौरे सौकौ। औरौ तैसकै गवाही साची औसौ। औरौ सै जाणौए कै सै सौचाई शै बौल़ौ।

यूहन्ना 21:7

तोबै सैजा चैला जैसीआरी यीशु प्यार कौरौ थिया, पतरस कै बौल़ौ, ऐजा तौ प्रभु औसौ, शमौन पतरसे ऐजौ शोणेयो कै सै प्रभु औसौ, तौ तैणै आपणै सैजै खोटणो बाम्बै जू तैणै काम कौरदै बैई उंढे राए थिए खोले, औरौ झीलो दै फाल़ मारै।