यूहन्ना 20:19 - सिरमौरी नौवाँ नियम

¹⁹ तैसी दूसै औयतवारो कै बैल़खै कै जोबै सौबै चैलै ऐक साथै कौठै हौए रौवै थिए, औरौ तिनुऐ यहूदी नेता कै डौर शै दवार बोन्‍द कौरे राए थिए, तोबै यीशु ओऊवा औरौ बीच मुंजी खौड़ै हौयौ कै तिनुखै बौल़ौ, “तुऔं शान्तै भैटौ।”

Sirmouri

¹⁹ तेसी ही देसे जुण्जों संह्फ़त्ते को आगलो देस थियो; संन्दो के बख्ते, जबे चैले यहूदी अगवाँल़ो के डरो शे दुवारो डाकियों ऐकी ठाँई कट्ठै बंईठै अंदे थिऐ; तबे प्रभू यीशू तिनके बीचो दे खह्ड़े हऐ गुऐ। अरह् तिन्ऐं आप्णें चैले खे बुलो, “तुओं शाँण्त्ति भेंटो!”

यूहन्ना 20:19 ပူးပေါင်းရင်းမြစ်များ

मत्ती 10:13

जै तैसी घोरो कै लोग लायक हौलै तौ तोंवारै शान्तै तिनु पांदी बौणैयौंदे रौंदै, औरौ जै सै लायक नै हौलै तौ तोंवारै शान्तै तोंवारै धोरे पाछु आन्दै।

मत्ती 18:20

जिथुकै जिथै दो या तीन मैरै चैलै हौणौ कै बौजैह शै कौठै हौंव, तिथै हांव तिनकै बीच मुंजी होऊं।”

मरकुस 16:14

इथकै बाद यीशु गयारो चैलै कै दैखिया, जोबै सै खाणौ खांदै बौठै रौवै थिए, औरौ तैणै तिनुकै ताडै़ जिथुकै सै ऐतरै जितकुरे थिए, कै तिनुऐ लोगौ की गवाही पांदी बै बिशवाश ना कौरी, जिनु लोगै यीशु कै मौरणौ कै बाद जियुंदी दैखा थिया।

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

यूहन्ना 16:22

ऐशैखैई तुऔं इबी शोग औसौ, पौरौ जोबै हांव होटेयो तुऔं आरी भैटिंयुबा तोबै तुऐं खुशी हौंदै; औरौ तोंवारै खोशे कुणिए तुऔं कैईंदै ना छीनदा।

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

यूहन्ना 20:21

यीशुए तिनुखै हौजौ बौल़ौ, तुऔं शान्तै भैटौ; जैशैखै मैरै पिता पौरमेशवरे मुखै दुनिया पांदी भैजै राए ऐशैकैई मोऐं बै तुऔं दुनिया पांदी भैजै लोऐ।

यूहन्ना 20:26

आठी दूसौ कै बाद तैसकै चैलै हौजौ घोरो कै भीतरै थिए, औरौ थोमा तिनकै साथै थिया, औरौ दवार बंद थियु, तोबै यीशुए आयौ तिनकै बीच दौ खौड़ै हौयौ कै बौल़ौ, तुऔं शान्तै भैटौ।

यूहन्ना 21:1

इनु बातौ कै बाद यीशुए आपी कै तिबिरियास झील (जिथकौ औकौ नांव गलील झील औसौ) कै किनारे चैलो पांदी प्रगट कौरा, औरौ ऐशैखैई प्रगट हौं औरौ ऐजौ ऐशैकै हौं।

यूहन्ना 21:14

ऐजौ तिजाल़ियों औसौ जोबै यीशुए मौरेयौंदे मुंजीदै जियुंदी हौणौ कै बाद चैलै खै दर्शन दियै।

यूहन्ना 7:13

तोबै यहूदी नेताओं कै डौरौ कै मारै कुणजैई आदमी बै यीशु कै बारै मुंजी खौलेयौ बातौ नै बौल़ौ थिए।

प्रेरितो कै काम 1:3

औरौ यीशु खै दुख उठाणौ औरौ मौरणौ कै बाद भौरिशै पाकै निशानो लैई आपी खै तिनु जियुंदी दिखांदा रौआ, औरौ चाल़ीश दूसौ तौड़ी सै चोणेयौंदे चैलै खै दैखिंदा रौआ, औरौ पौरमेशवर कै राज्य की बातौ कौरदा रौआ।

रोमियों 15:33

हांव प्रार्थना कौरु कै पौरमेशवर, जू शान्तै दैंव, तुऔं सौबी कै साथै रौंव। आमीन।

1 कुरिन्थियों 15:5

औरौ आगै पतरस (कैफा) खै तोबै बारौ चैलै खै ऐक साथै दैखिया।

इफिसियों 2:14

जिथुकै मसीहे अमारै बीच शान्तै बाणै राए कै बीतै सौमय दो, ऐजौ ऐशै थियु जैशै ऐक दीवारे यहूदी लोगौ औरौ बैगानै यहूदी लोगौ कै जौई कौरे राए थिए, सै ऐकी दूजै शै नफरत कौरौ थिए। पौरौ ऐबै मसीहे तियौं दीवार कै ढाल़ै राए औरौ दो झुंडो कै ऐक कौरे राए।

इफिसियों 6:23

हांव अमारै पिता पौरमेशवर शै औरौ प्रभु यीशु मसीह शै प्रार्थना कौरु कै सै तुऔं बिशवाशियौं कै शान्तै दैंव। सै ऐशै कौरौ कै तुऐं ऐकी दुजैआरी प्यार कौरौ औरौ मसीह पांदी सौदा बिशवाश कौरदै रौंव।

फिलिप्पियों 1:2

अमारा पिता पौरमेशवर औरौ प्रभु यीशु मसीह तुऔं अनुग्रह औरौ शान्तै दैंदा रौंव।

2 थिस्सलुनीकियों 3:16

हांव प्रार्थना कौरु कै प्रभु, जू शान्तै का स्रोत औसौ सै हर तरह शै तुऔं हमैशा शान्तै दैंदा रौंव: औरौ प्रभु तुऔं सौबी कै साथै सौदा रौंव।

इब्रानियों 7:2

औरौ अब्राहमै तैसी तिनु सौबी चीज़ौ का देशवाँ भाग दिया जू तैणै आपणै दुशमनो कैईंदा लूटी राए थिया। मलिकिसिदक कै नांव का मतलब औसौ। न्याय कै साथै शासन कौरणौवाल़ा राजा औरौ शालेम कै राजा का मतलब औसौ शान्तै का राजा।

3 यूहन्ना 1:14

पौरौ हांव आशा कौरु कै हांव तुऔंआरी तावल़ा भैटिंदा औरौ तोबै हांव आमणै-सामणै तुऔंआरी बातौ कौरदा।

प्रकाशितवाक्य 1:4

मोऐं यूहन्नाए, ऐजी चिट्ठी तुऔं सात कलीसियाओं कै बिशवाशी लोगौ कारिए लैख लौए जू एशिया प्रदेश दै रौं: हांव प्रार्थना कौरु कै पौरमेशवर जू औसौए, औरौ जू हमैशा थिया, औरौ जू आणौवाल़ा औसौ; औरौ तिनु सात स्‍वर्गदूत कै ढौबौशै, जू पौरमेशवर कै सिंहासन कै सामणै औसौ, तुऔं अनुग्रह औरौ शान्तै भैटौ।