यूहन्ना 2:23 - सिरमौरी नौवाँ नियम

²³ फसह कै तैयारो कै सौमय मुंजी जोबै यीशु यरूशलेम शहर दा थिया, तौ बौहितै लोगै तिनु निशान कै जू यीशु दिखांव थिया तिनुकै दैखैयो तैसी पांदी बिशवाश कौरा।

Sirmouri

²³ जबे प्रभू यीशू फ़सह के तैयारह् के बख्त्ते यरूशलेम दे थिऐ, तअ तिनके जाँणें बैजाऐ चींह्न-चंम्त्तकार देखाऐ ज़ाँव थिऐ, तबे तिनके नाँव गाशी बैजाऐ लोगें ऐ बिश्वाष करा।

यूहन्ना 2:23 ပူးပေါင်းရင်းမြစ်များ

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 11:45

तोबै जू यहूदी लोग मरियम कै साथै आए रौवै थिए, औरौ तिनुऐ यीशु का ऐजा काम दैखा, औरौ तिनुमुंजी बौहितै लोगै यीशु पांदी बिशवाश कौरा।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 2:13

यहूदी नेताओं का फसह का तैयार नेड़िक थिया औरौ यीशु यरूशलेम शहर खै हौटा।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 4:45

जोबै यीशु गलील जिले दा ओऊवा, तौ गलील जिले कै लोग खुशी कै साथै तैसीआरी भेटिए; जिथुकै जैतरै काम तैणै यरूशलेम शहर दै तैयारो कै सौमय दै कौरे राए थिए, तिनुऐ तिनु सौबी कै दैख राए थिए, जिथुकै सै बै तैयार दै हौटै रौवै थिए।

यूहन्ना 5:36

मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 6:14

तोबै जू चौमत्कार कै काम तैणै कौरेयौ दिखोऊवा तियौं बात दैखैयो लोग बौलदै लागै की, “सैजा तौ पौरमेशवर कै बातौ बौताणौवाल़ा जू दुनिया पांदी आणौवाल़ा थिया। पाका ऐजाई औसौ।”

यूहन्ना 6:2

औरौ ऐक बौड़ै भीड़ तैसकै पाछैदै चालै रौए थी, जिथुकै जू चौमत्कार कै काम सै बीमारों पांदी दिखांव थिया सै तिनुकै दैखौ थिए।

यूहन्ना 7:31

औरौ भीड़ौ मुंजीदै बौहितै लोगै तैसी पांदी बिशवाश कौरा, औरौ बौलदै लागै, “मसीह जौल़ौ आला, तोलो का इदै जादा निशान खै दिखांदा जू ऐणै दिखाए राए?”

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।