यूहन्ना 2:2 - सिरमौरी नौवाँ नियम

² यीशु औरौ तैसकै चैलै बै तैसी जाजड़ै मुंजी बौएदै राए थिए।

Sirmouri

² प्रभू यीशू अरह् तिनके चैले भे जाज्ड़े दे बय्दी थुऐ थिऐ।

यूहन्ना 2:2 ပူးပေါင်းရင်းမြစ်များ

मत्ती 12:19

सै ना तौ झोगड़ा कौरला, औरौ ना लैरौ मारदा; औरौ ना बाज़ारो दै कुणिए तैसकै धाव शुणदै।

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 25:45

तोबै हांव तिनुकै जोवाब दैन्‍दा, ‘हांव तुऔं खै साचौ बुलू कै तुऐं जू इनु नानड़ै शै नानड़ै मुंजी कोसी ऐकी कै साथै नै कौरी, सै मैरै साथै बै ना कौरी।’

यूहन्ना 2:12

इथकै बाद सै औरौ तैसकै माँ औरौ तैसकै भाए औरौ तैसकै चैलै कफरनहूम नगर खै हौटै औरौ तिथै किछैक दूस रौवै।

यूहन्ना 2:17

तोबै तैसकै चैलै खै याद ओऊ की पवित्र शास्त्र दो लैखै राए कै, “तैरै घोरो कै भोक्‍ती मैरै भीतरै आगी साए जौल़ौ।”

यूहन्ना 2:22

हौजौ जोबै सै मौरणौ कै बाद जियुंदा हौआ, तौ तैसकै चैलै खै याद ओऊं कै तैणै ऐजौ बौल़ै राए थियु, औरौ तिनुऐ पवित्र शास्त्र पांदी जू मसीह कै मौरेयौंदे मुंजीदै जियुंदी हौणौ कै बारै मुंजी बौतांव, औरौ जू यीशुए बौल़ै राए थियु, तिथ पांदी बिशवाश कौरा।

यूहन्ना 2:3

जोबै पोऊंणै सौबै अंगूर का रस पी पाया तौ यीशु कै माँए तैसीखै बौल़ौ, “कै इनुकैंई अंगूर का रस खत्म हौए गौआ।”

यूहन्ना 3:22

तोबै यीशु औरौ तैसकै चैलै यरूशलेम शहर कै छोडे़बा यहूदिया प्रदेश कै हौटै गौवै, औरौ यीशु तिथै तिनकै साथै रौयौ लोगौ कै बपतिस्मा दैंदा लागा।

यूहन्ना 4:2

(पौरौ यीशु आपी नै बल्कि तैसकै चैलै बपतिस्मा दैंव थिए)

यूहन्ना 4:33

तोबै चैलै आपी मुंजी बौल़ौ, “का कुणिए ऐसी कारिए किछै खाणौ खै लाए राए?”

यूहन्ना 4:8

तैसी सौमय तैसकै चैलै तौ शहरो दै खाणौ खै मोलै लान्दै हौटै रौवै थिए।

यूहन्ना 6:12

जोबै सै खाएयो खै छौकै गौवै तोबै तैणै आपणै चैलै खै बौल़ौ, “बौचेयौंदे रोटी कै टुकड़ै खै कौठै-कौरो, कै किछै बर्बाद नी हौए जांव।”

यूहन्ना 6:16

औरौ जोबै बेल़खो हौ, तोबै तैसकै चैलै, झीलो कै किनारे हौटै।

यूहन्ना 6:60

ऐजी सौबै बातौ शुणैबा यीशु कै चैलै मुंजीदै ओकी चैलै बौल़ौ, “ऐजी शिक्षा सौमझणौ कारिए बैजाए चैईथी औसौ, इनु कुण मानै सौकौ?”

यूहन्ना 6:66

ऐजी बातौ शोणेयो, यीशु कै चैलै मुंजीदै बौहितै जोणे तैसकै खिलाफ हौए गौवै, औरौ तैसी छोड़ेयौ पाछु हौटै गौवै।

यूहन्ना 6:67

तोबै यीशुए तिनु बारौ चोणेयौंदे चैलै खै बौल़ौ, “का तुऐं बै मुखै छोड़ेयौ जाणौ चांव?”

यूहन्ना 6:70

यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

यूहन्ना 6:71

ऐजौ यीशुए शमौन इस्‍करियोती कै बैटै यहूदा इस्‍करियोती कै बारै दो बौल़ौ, जिथुखै सैजाई बारौ चैलै मुंजीदा ऐक थिया, जू तैसी थोम्बाणो वाल़ा थिया।

यूहन्ना 6:8

तैसकै चैलै मुंजीदा शमौन पतरस का भाई अन्द्रियासे तैसीखै बौल़ौ,

यूहन्ना 7:3

यीशु कै भाईए तैसीखै बौल़ौ, “इथैदा यहूदिया प्रदेश कै आगु जा कै जू काम तू कौरे, सैजै तैरै चैलै बै दैखौ।

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 11:29

तोबै चैलै फोयसला कौरा कै हरेक आपणी-आपणी हैसीयत कै हिसाब शै यहूदिया प्रदेश दै रौणौवाल़ै बिशवाशी भाईयों कारिए मौदद भैजौ।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 7:39

जांव तौड़ी कोसी बैटमाणिशौ का घोरवाल़ा जियुंदी रौंव, तांव तौड़ी तियौं तैसकै साथै बैयाएयौंदौ रौणौ चैंई, पौरौ जोबै तियांरा घोरवाल़ा मौरे जांव, तौ जैसी आरी चांव तैसीआरी बैयाव कौरे सौकौ, पौरौ सिरफ तैसीआरी जू प्रभु का चैला औसौ।

कुलुस्सियों 3:17

जू किछै तुऐं बौल़ौए या कौरौए सैजौ सौबै प्रभु यीशु मसीह कै नांव लैई कौरेया कौरौ, औरौ तैसकै दवारा पौरमेशवर पिता का धन्यवाद कौरौ।

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

प्रकाशितवाक्य 3:20

शुणौ, तोंवारै मन दै रौणौ कारिए, हांव तैसी आदमी कै जैशणा औसौ जू घोर कै बायरै खौड़ा औसौ औरौ दरवाज़ा खटखटांव। जै तुऐं मैरी आवाज़ खै शुणौए औरौ मैरै खातिर आपणा मन खोलो तौ हांव भीतरै आन्दा औरौ आमु ऐकी-दूजै कै साथै संगति कौरदै।