यूहन्ना 2:11 - सिरमौरी नौवाँ नियम

¹¹ यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

Sirmouri

¹¹ प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

यूहन्ना 2:11 ပူးပေါင်းရင်းမြစ်များ

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:17

इथकारिए कै कानून तौ मूसा कै दवारा दैय राए, पौरौ महान दया औरौ सौचाई तौ यीशु मसीह कै दवारा आए।

यूहन्ना 1:43

ओकी दूसै यीशुए गलील जिले खै जाणौ चोऊ, औरौ फिलिप्‍पुसआरी भैटेयो बौल़ौ, “मुं साथी चाल।”

यूहन्ना 1:50

यीशुए तैसीखै जोवाब दिया, “मोऐं जू ताखै बौल़ै राए थियु की मोऐं ताखै अंजीरो कै डाल़ो तौड़ी दैखा, का तू इथकारिए बिशवाश कौरे? तू इदै बै बौड़ै-बौड़ै काम दैखला।”

यूहन्ना 10:41

औरौ बौहितै सारै लोग तैसकै धोरे आयौ खै बौल़ौ थिए, “यूहन्नाए तौ कुणजैई चौमत्कार कै काम ना दिखैई, पौरौ जू किछै यूहन्ना ऐसकै बारै मुंजी बौल़ौ थिया सै सौबै साचौ औसौ।”

यूहन्ना 11:15

औरौ मुखै खुशी औसौ कै हांव तैसकै साथै नी थी। ऐजौ तोंवारै फायदै कारिए थियु। जिथलैई तुऐं बिशवाश कौरौ। पौरौ ऐबै आव, आमै तैसकै धोरे जोऊंबे।”

यूहन्ना 11:47

इयौं बातौ पांदी मुख्य यहूदी पुरोहिते औरौ फरीसी लोगै महासभा कै लोगौ कै कौठै कौरेयौ बौल़ौ, “आमै का कौरु? ऐजा आदमी तौ बौहितै चौमत्कार कै काम दिखांव।

यूहन्ना 12:18

इयौं बौजैह शै बौहितै लोग यीशु शै भैटिंदै ओऊवे, जिथुकै तिनुऐ ऐसी चौमत्कार कै बारै मुंजी शौणै राए थियु।

यूहन्ना 12:37

तोबै यीशुए तिनकै सामणै ऐतरै चौमत्कार कै काम दिखाए, तोबै बै तिनुऐ तैसी पांदी बिशवाश ना कौरी;

यूहन्ना 12:41

यशायाहै ऐजी बातौ इथकारिए बुली, कै तैणै यीशु कै महिमा सौमय दी आगै दैखै; औरौ तैसकै बारै मुंजी बातौ कौरी।

यूहन्ना 14:13

औरौ जू किछै तुऐं मैरै नांव शै मांगलै, सैजौई हांव कौरदा कै मुं बैटै कै दवारा पिता की महिमा हौंव।

यूहन्ना 16:27

जिथुकै पिता पौरमेशवर तौ आपी बै तुऔं आरी प्यार राखौ, इथकारिए कै तुऐं मुंआरी प्यार राख राए औरौ ऐजा बै बिशवाश कौरे राए कै हांव पिता पौरमेशवर की ढौबौशा आए रौआ।

यूहन्ना 16:30

ऐबै आमै जाणै गौवै, कै तू सौबै ठुँ जाणै, औरौ ताखै कोसी कै जौरुरत ना आथी कै कुणिए तुंआदै सवाल पूछौ, इथकारिए आमुए बिशवाश कौरु, कै तू पौरमेशवर की ढौबौशा आए रौआ।”

यूहन्ना 2:1

तिजै दूसै गलील जिले कै काना नगर दा कोसी का जाजड़ा थिया औरौ यीशु कै माँ बै तिथै थी।

यूहन्ना 2:23

फसह कै तैयारो कै सौमय मुंजी जोबै यीशु यरूशलेम शहर दा थिया, तौ बौहितै लोगै तिनु निशान कै जू यीशु दिखांव थिया तिनुकै दैखैयो तैसी पांदी बिशवाश कौरा।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 4:3

तोबै सै यहूदिया प्रदेश खै छोडे़बा गलील जिले खै आपणै चैलै कै साथै पाछु हौटै गौआ।

यूहन्ना 4:46

तोबै सै हौजौ गलील जिले कै काना नगर दा ओऊवा, जिथै तैणै पाणी खै अंगूर का रस बाणै राए थिया। तिथै राजा का ऐक कर्मचारी थिया, जैसका बैटा कफरनहूम नगर दा बीमार थिया।

यूहन्ना 4:54

ऐजा दूजा चौमत्कार का काम थिया, जू यीशुए यहूदिया प्रदेश शै गलील जिले दा पाछु आयौ दिखोऊवा।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 6:14

तोबै जू चौमत्कार कै काम तैणै कौरेयौ दिखोऊवा तियौं बात दैखैयो लोग बौलदै लागै की, “सैजा तौ पौरमेशवर कै बातौ बौताणौवाल़ा जू दुनिया पांदी आणौवाल़ा थिया। पाका ऐजाई औसौ।”

यूहन्ना 6:2

औरौ ऐक बौड़ै भीड़ तैसकै पाछैदै चालै रौए थी, जिथुकै जू चौमत्कार कै काम सै बीमारों पांदी दिखांव थिया सै तिनुकै दैखौ थिए।

यूहन्ना 6:26

यीशुए तिनुखै जवाब दिया, “हांव तुऔं खै साचौ-साचौ बुलू, तुऐं मुखै इथकारिए ना जूओं कै तुऐं निशान दैखै, पौरौ इथकारिए कै तुऐं रोटी खायौ खै छौकै गौवै।

यूहन्ना 6:30

तोबै तिनुऐ तैसीखै बौल़ौ, “तोबै तू कुणजा निशान आमु दिखाणौ वाल़ा औसौ कै तिथु दैखैयो आमै तांव पांदी बिशवाश कौरु? तू आमु का दिखाणौ चांए?

यूहन्ना 7:31

औरौ भीड़ौ मुंजीदै बौहितै लोगै तैसी पांदी बिशवाश कौरा, औरौ बौलदै लागै, “मसीह जौल़ौ आला, तोलो का इदै जादा निशान खै दिखांदा जू ऐणै दिखाए राए?”

यूहन्ना 9:16

इथपांदी कैई फरीसी लोग बौलदै लागै, “ऐजा आदमी पौरमेशवर कै औरौ शा ना आथी, जिथुकै सै विशांव कै दूस कै ना मानौ।” ओकीए बौल़ौ, “ऐसकै जैशणा पापी आदमी कैशै चौमत्कार कै काम दिखाए सौकौ?” इयौं बातौ लैई तिनुमुंजी फूट पौड़ै गौए।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

1 यूहन्ना 5:13

मोऐं तुऔं ऐजै चिट्ठी इथकारिए लैखै लौए कै तुऐं पौरमेशवर कै बैटै कै औधिकार पांदी बिशवाश कौरौ, ताकि तुऐं ऐजौ जाणै पांव कै सौदा कै जिन्दगी तोंवारै औसौ।