यूहन्ना 19:6 - सिरमौरी नौवाँ नियम

⁶ जोबै मुख्य यहूदी पुरोहितो औरौ सिपाहीए तैसी दैखा, तिनुऐ लैरौ मारेयों बौल़ौ, “यीशु खै क्रूसो पांदी किलियों खत्म कौरौ।” पिलातुसे तिनुकै बौल़ौ, तुऐंई ऐसीकै नियौ खै क्रूसो पांदी चौढ़ाव, जिथुकै हांव ऐसदा किछै बै दोष ना पोऊँ।

Sirmouri

⁶ जबे: मुँख्या-याजक अरह् सपाई ऐ प्रभू यीशू देखे, तअ तिनू देख्दे ही से लेल्याँदें लागे; “ऐसी शुँल़ी-फ़ाँशी चढ़ाव! ऐसी शुँल़ी-फ़ाँशी चढ़ाव!” तबे हाकम-पिलातुस ऐं तिनखे बुलो, ऐसी आगू नींयों अरह् “तुऐं ही शुँल़ी-फ़ाँशी चढ़ाव; किन्देंखे के हाँव तअ ऐस्दा किऐ भे दोष-कसूर ने लाँदा।”

यूहन्ना 19:6 ပူးပေါင်းရင်းမြစ်များ

मत्ती 26:58

पतरस दूर ही दूर तैसकै पौछौड़ियौ-पौछौड़ियौ महायहूदी पुरोहित कै आँगणो कै भीतरै जायौ दैखणौ कारिए मंदिर कै रोखवाल़ै कै साथै बौठै गौआ।

मत्ती 27:22

पिलातुसे तिनुआदो पूछु, “तोबै यीशु खै जैसकै मसीह बौल़ौ, का कौरणौ?” सौबीए तैसी बौल़ौ, “यीशु खै क्रूसो पांदी किलियों खत्म कौरौ।”

मत्ती 27:24

जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

लूका 23:4

तोबै राज्यपाल पिलातुसे मुख्य यहूदी पुरोहितो औरौ लोगौ कै बौल़ौ, “हांव ऐसी आदमी दा किछै बै दोष ना पोऊँ।”

यूहन्ना 18:3

तोबै यहूदा इस्‍करियोती सैनिकौ कै ऐकी गुटो कै औरौ मुख्य यहूदी पुरोहितो औरौ फरीसी लोगौ कै ढौबौशा मंदिर कै रौखवाल़ै कै लोयो खै दिवे औरौ मशालों औरौ हथियारों कै लोयो खै तिथै ओऊवे।

यूहन्ना 18:31

राज्यपाल पिलातुसे तिनुखै बौल़ौ, तुऐंई ऐसी नियौ खै आपणै मूसा कै कानून कै हिसाब शै तैसका न्याय कौरौ। यहूदी नेताए तैसीखै बौल़ौ, आमुवा कोसी कै मारणौ का औधिकार ना आथी।

यूहन्ना 18:38

राज्यपाल पिलातुसे तैसीखै बौल़ौ, साचौ का औसौ?” ऐजौ बौलेयौ सै हौजौ यहूदी नेताओं कै धोरे हौटा औरौ तिनुखै बौल़ौ, “हांव ऐसी दा किछै बै दोष ना पोऊँ।

यूहन्ना 19:15

पौरौ सै लैरौ मारदै लागै, “ऐसीकै मार दैंव! ऐसीकै मारै दैंव! ऐसी क्रूसो पांदी किलियों खत्म कौरौ!” राज्यपाल पिलातुसे तिनुखै बौल़ौ, “का हांव तोंवारै राजा कै क्रूसो पांदी किलियों खत्म कौरे दियु?” मुख्य यहूदी पुरोहिते जोवाब दिया, “रोम देश कै महाराजा कै छोड़ेयौ अमारा कुणिए बै राजा ना आथी।”

यूहन्ना 19:4

तोबै राज्यपाल पिलातुस बायरै आयौ तिनु लोगौ खै बौल़ौ, “दैखौ, हांव तैसी तोंवारै धोरे बायरै लोऊ; ताकि तुऐं जाणै सौकौ कै हांव ऐसी दा किछै बै दोष ना पोऊँ।”

प्रेरितो कै काम 2:23

यीशु पौरमेशवर कै दवारा तय कौरेयौंदे योजना औरौ आगलै ज्ञान कै हिसाब शै थोम्बाया गौआ। तौ तुऐं तैसी दुष्ट आदमियों कै मौदद लैई किलो लायौ क्रूसो पांदी चौढ़ायौ मारै दिया।

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।