यूहन्ना 19:4 - सिरमौरी नौवाँ नियम

⁴ तोबै राज्यपाल पिलातुस बायरै आयौ तिनु लोगौ खै बौल़ौ, “दैखौ, हांव तैसी तोंवारै धोरे बायरै लोऊ; ताकि तुऐं जाणै सौकौ कै हांव ऐसी दा किछै बै दोष ना पोऊँ।”

Sirmouri

⁴ तबे हाकम-पिलातुस हजो मंह्लो शा बाँईडा हुटा, अरह् लोगों खे बुल्दा लागा; “देखो, मुँऐ तेसी आदमी तुओं लोगो कैई बाँईडा आँणी लुवा, जिन्दें लंई तुऐं भे ऐजो जाँणी पाँव, के हाँव ऐस्दा किऐ भे दोष-कसूर ने जाँण्दा।”

यूहन्ना 19:4 ပူးပေါင်းရင်းမြစ်များ

मत्ती 27:19

जोबै सै न्याय आसन पांदी बौठै रौआ थिया तोबै तैसकै घोरवाल़ीए तैसी बैवरा दिया, “तू तैसी धरमी कै मामलै दा हाथ नी लाया जिथुकै मोऐं ऐलो सुईणै मुंजी तैसकी बौजैह शै बौहिता दुख सैय राए।”

मत्ती 27:24

जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

मत्ती 27:4

औरौ बौल़ौ, “मोऐं निर्दोष आदमी खै मारणौ कारिए थोम्बाएबा पाप कौरे राए!” तिनुऐ बौल़ौ, “आमु इथकै बारै मुंजी किछै परवाह ना आथी? तू आपी इथकारिए जुमैवार औसौ।”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

लूका 23:4

तोबै राज्यपाल पिलातुसे मुख्य यहूदी पुरोहितो औरौ लोगौ कै बौल़ौ, “हांव ऐसी आदमी दा किछै बै दोष ना पोऊँ।”

लूका 23:41

औरौ आमुए तौ न्याय कै हिसाब शै सौजा पाए लौए, जिथुकै आमुए आपणै कामौ कै सोही फोल़ पाए लौआ; पौरौ ऐणै तौ कुणजाई बै गौलत काम ना कौरे रैई।”

लूका 23:47

सूबेदारे जू किछै हौए रौ थियु दैखैबा पौरमेशवर की बौड़ाए कौरे, औरौ बौल़ौ, “जौरुर ऐजा आदमी धरमी थिया।”

यूहन्ना 18:33

तोबै राज्यपाल पिलातुस महल कै भीतरै हौटा औरौ यीशु खै बोयदयो पूछु, “का तू यहूदी लोगौ का राजा औसौ?”

यूहन्ना 18:38

राज्यपाल पिलातुसे तैसीखै बौल़ौ, साचौ का औसौ?” ऐजौ बौलेयौ सै हौजौ यहूदी नेताओं कै धोरे हौटा औरौ तिनुखै बौल़ौ, “हांव ऐसी दा किछै बै दोष ना पोऊँ।

यूहन्ना 19:6

जोबै मुख्य यहूदी पुरोहितो औरौ सिपाहीए तैसी दैखा, तिनुऐ लैरौ मारेयों बौल़ौ, “यीशु खै क्रूसो पांदी किलियों खत्म कौरौ।” पिलातुसे तिनुकै बौल़ौ, तुऐंई ऐसीकै नियौ खै क्रूसो पांदी चौढ़ाव, जिथुकै हांव ऐसदा किछै बै दोष ना पोऊँ।

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

1 पतरस 2:22

पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।