यूहन्ना 19:28 - सिरमौरी नौवाँ नियम

²⁸ इथकै बाद यीशुए ऐजौ जाणियौ कै ऐबै मोऐं सौबै काम खत्म कौरे पाए, इथकारिए पवित्र शास्त्र दै लिखैयौंदी बात साची साबित हौंव, यीशुए बौल़ौ, “हांव तिशा औसौ।”

Sirmouri

²⁸ ईन्दें पाछ़ी जबे प्रभू यीशू ऐ ऐजो जाँणीं पाव, के ऐबे सब-कुछ पुरो हऐ गुओं; तअ पबित्र-ग्रन्थों का सेजा लेख्ह पुरा कहर्णो खे बुलो; “हाँव च़ींषा असो”।

यूहन्ना 19:28 ပူးပေါင်းရင်းမြစ်များ

लूका 12:50

मुखै तावल़ी खतरनाक पीड़ो सैहन कौरणी पौड़दी, औरौ जौल़ौ तौड़ी सैजी पीड़ो ना हौंव, तौलौ तौड़ी हांव बौहुता बैचैन हौंदा।

लूका 18:31

तोबै तैणै बारौ चैलै कै साथै नियौ तिनु बौल़ौ, “आमु यरूशलेम शहर खै जांदै लागै रौवै, औरौ जिशैक बातौ मुं आदमी कै बैटै कै बारै मुंजी पौरमेशवर कै बातौ बौताणौवाल़ै लैखै रैई, सै सौबै पूरी हौंदी।

लूका 22:37

जिथुकै हांव तुऔं बुलू, कै ऐजौ पवित्र शास्त्र दो मैरै बारै मुंजी जू लैखै राए सैजौ पूरु हौंव। तिथपांदी लैखै रैई कै, ‘तैसी कानून तौड़णे वाल़ौ कै साथै शामिल कौरा।’ ऐजी बातौ मैरै बारै मुंजी लैखै राए औरौ तावल़ी ही पूरी हौणै वाल़ी औसौ।”

लूका 9:31

ऐजै महिमा सहित दैखियै, औरौ तैसकै मौरणौ की चौर्चा कौरे लोए थै, जू यरूशलेम शहर दौ हौणौवाल़ौ थियु।

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

यूहन्ना 18:4

तोबै यीशु सैजी सौबै बातौ कै जाणैयौ जू तैसकै साथै हौणौवाल़ी थी, औगौड़ियौ जायौ खै औरौ तिनुखै पूछु, “तुऐं कोसी कै जौए लौआ?”

यूहन्ना 19:24

इथकारिए सिपाहीए ऐकी दूजै कैंई बौल़ौ, “आमु इथु ना चिरू, पौरौ इथपांदी चिट्ठी पोऊंबे कै ऐजौ कोसको हौंदौ।” ऐजौ इथकारिए हौंव, कै पवित्र शास्त्र दै लिखैयौंदी बातौ सच हौंव, “कै तिनुऐ मैरै खोटणो आपी मुंजी बांडै पाए, औरौ मैरै लोइया पांदी चिट्ठी पैई। इथकारिए सिपाहीए ऐशैकैई कौरौ।”

यूहन्ना 19:30

जोबै यीशुए सैजा अंगूर का रस पिया, औरौ बौल़ौ, “पूरा हौं” औरौ मुंड झुकायो कै सै मौरे गौआ।

यूहन्ना 19:36

ऐजी बातौ इथकारिए होई कै जू पवित्र शास्त्र दै लैखैयौंदे बात साची हौंव, कै तैसकी कुणजी बै हाड़की ना तौड़दै।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

प्रेरितो कै काम 13:29

औरौ जोबै तिनुऐ सैजौ सौबै कौरौ जू पवित्र शास्त्र तैसकै बारै मुंजी बौल़ौ, तिनुऐ तैसी ऐकी क्रूसो पांदी किलो लायौ मारै दिया औरौ क्रूसो पांदी दा उतारेयो कब्रो दा राखा।