यूहन्ना 19:20 - सिरमौरी नौवाँ नियम

²⁰ ऐजा आरोप पत्र बौहितै यहूदी लोगै पोढ़ा, जिथु सैजी जौगैह जिथै यीशु क्रूसो पांदी चौढ़ाए गौआ यरूशलेम शहर कै धोरे थै, औरौ पत्र इब्रानी औरौ लतीनी औरौ यूनानी भाषा दा लैखै राए थिया।

Sirmouri

²⁰ सेजा दोष-पत्र बैजाऐ यहूदी लोगे ऐ पढ़ा; किन्देंखे के जेथै प्रभू यीशू शुँल़ी-फ़ाँशी चढ़ाऐ गुऐ, सेजी जागा बंईजारो के नंजींक ऊडी-पुडी थी; अरह् सेजा दोष-पत्र, इब्री, लातीनी, अरह् यूनानी भाषाँओं दा लिखा अंदा थिया।

यूहन्ना 19:20 ပူးပေါင်းရင်းမြစ်များ

लूका 23:38

औरौ यीशु कै मुंडो कै ऊबै तौकती किलियों लाए दै जिथपांदी लैखै राए थियु कै, “ऐजा यहूदी लोगौ का राजा औसौ।”

यूहन्ना 19:13

ऐजी बातौ शोणेयो पिलातुस यीशु कै बायरै लियोऊवा, औरौ सै न्याय आसन पांदी बोठा, जू कै पाथर कै चबूतरे नांव कै ठाँव पांदी थिया, इथु इब्रानी भाषा दो गब्‍बता बौल़ौ।

यूहन्ना 19:42

तिनुवै यीशु कै लाश कै तियौं कब्र की गुफा दै राख दै, जिथुकै सै नेड़िक थी। औरौ सैजै दूस यहूदी लोगौ कै विशांव कै दूसौ कै तैयारी कै दूस थिए।

यूहन्ना 5:2

ऐबै यरूशलेम शहर दै, भेड़-कोवाड़ कै धोरे ऐक कुण्ड थिया, जिथुकै इब्रानी भाषा दो बैतसैदा बौल़ौ, औरौ तिथकै चोऊ ढौबौ पाँच ओसारे औसौ।

प्रेरितो कै काम 21:37

जोबै सैजै पौलुस खै कटगरेह दा लोय जाणौ पांदी थिए, तौ तैणै सैनिक गुट कै ठोगड़े खै बौल़ौ, “का मुखै आज्ञा औसौ कै हांव तांव कैंई किछै बुलू?” तैणै बौल़ौ, “का तू यूनानी भाषा जाणै?

प्रेरितो कै काम 21:40

जोबै तैणै आज्ञा दै, तौ पौलुसे पोइड़ी पांदी खौड़ै हौयौ लोगौ खै हाथौ लैई चुपी रौणौ कारिए इशारा कौरा। जोबै सै चुपी हौए गौवै, तौ सै इब्रानी भाषा दा बौलदा लागा:

प्रेरितो कै काम 22:2

सै ऐजौ शोणेयो कि पौलुस तिनुआरी इब्रानी भाषा दा बौलांव, चुपी रौवै। तोबै तैणै बुलू:

प्रेरितो कै काम 26:14

औरौ जोबै आमै सौबै जोमीनो पांदी रिड़ै गौवै, तौ मोऐं इब्रानी भाषा दा, मुं आरी बौलदै बैई ऐजा शोब्द शुणा, ‘ओए रै शाऊल, ओए रै शाऊल, तू मुखै काए सोतांए? जै तू मैरै खिलाफ लोड़े, तौ तू सिरफ आपी खै बौहितै पौरैशानी दा पाईंदा।’

इब्रानियों 13:12

इथकारिए यीशुए बै लोगौ खै आपणै ही लोऊ लैई पवित्र कौरणौ कारिए यरूशलेम कै बायरै दुख उठौऊवा औरौ मौरे गौआ।

प्रकाशितवाक्य 9:11

ऐक राजा औसौ जू तिनु काबू कौरौ। सै सैजैई दुष्ट दूत औसौ जिनिए गौढै खै खौलै राए थिया इब्रानी भाषा दा तैसकौ नांव दौ अबद्दोन औसौ, औरौ यूनानी भाषा दा, अपुल्योन औसौ, जिथका मतलब औसौ, सै जू नाश कौरौ।