यूहन्ना 18:8 - सिरमौरी नौवाँ नियम

⁸ यीशुए जोवाब दिया, मोऐं तौ तुऔं बौल़ै दियु कै हांव औसौ, जै तुऐं मुखै जौए लौआ तौ मैरै इनु चैलै कै जाणौ दैव।

Sirmouri

⁸ प्रभू यीशू ऐ तिनखे जबाब दिता, मुँऐं तुँओं खे बुली पाव, के “हाँव ही यीशू नासरी असो! जे तुँऐं मुँह जुह्ऐ लुवा, तअ ईनू ओकी लोग ज़ाँणों दियों।”

यूहन्ना 18:8 ပူးပေါင်းရင်းမြစ်များ

मत्ती 26:56

पौरौ ऐजौ इथकारिए हौं कै पौरमेशवर कै बातौ बौताणौवाल़ै कै वचन की बातौ पूरी हौंव।” तोबै सौबै चैलै तैसीखै छोड़ेयौ भागै गौवै।

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 13:36

शमौन पतरसे तैसी बौल़ौ, “ओए रै प्रभु तू कुकै चालै रौआ?” यीशुए बौल़ौ, “जिथै हांव जोऊं तिथै तू मैरै पौछौड़ियौ कौलोंई ना आए सौकै; पौरौ इथकै बाद मैरै पौछौड़ियौ आईला।”

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 18:7

तोबै तैणै तिनुवांदो पूछु, “तुऐं कोसी कै जौए लौआ।” तिनुऐ बौल़ौ, “नासरत गांव कै यीशु खै।”

यूहन्ना 18:9

ऐजौ इथकारिए हौं ताकि यीशुए जू आगै बौल़ै राए थियु सैजौ साचौ हौए जांव, जिनु लोगौ कै तुऐं मुखै दैय राए तिनुमुंजी दै मोऐं ऐक बै ना खोए रैई।

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

2 कुरिन्थियों 12:9

औरौ तैणै मुखै बौल़ौ, “मैरा अनुग्रह तैरै खातिर काफी औसौ, जिथुकै मैरी अनौखी शौकतै कमजोरी दी सिध्द हौंव।” इथकारिए हांव बौड़ै खुशी लैई आपणै कमजोरी पांदी घमण्‍ड कौरदा, कै मसीह कै शौकतै मुं पांदी छाया कौरदै रौंव।

इफिसियों 5:25

ओए रै घोरवाल़ै, आपणै-आपणै घोरवाल़ी आरी प्यार राखौ, जैशै मसीहे बै कलीसिया आरी प्यार कौरेयौ आपणा जीवन कलीसिया कारिए दैय दिया।

1 पतरस 5:7

पौरमेशवर खै आपणी सारै पौरैशानै औरौ चिन्‍ता बौतांव जिथुकै सै तोंवारै परवाह कौरौ।