यूहन्ना 18:4 - सिरमौरी नौवाँ नियम

⁴ तोबै यीशु सैजी सौबै बातौ कै जाणैयौ जू तैसकै साथै हौणौवाल़ी थी, औगौड़ियौ जायौ खै औरौ तिनुखै पूछु, “तुऐं कोसी कै जौए लौआ?”

Sirmouri

⁴ प्रभू यीशू ऐ, सेजो जाँणियों के मुँह गाशी, का-का बित्त्दी, से आगुड़े हुटे, अरह् तिन्ऐं तिन कैई शो पुछ़ो; के “तुऐं कोसी जुह्ऐ लुवा?”

यूहन्ना 18:4 ပူးပေါင်းရင်းမြစ်များ

मत्ती 16:21

तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

मत्ती 26:2

“तुऐं जाणौए दु दूसौ कै बाद फसह का तैयार औसौ, औरौ आदमी का बैटा क्रूसो पांदी चौढ़ाए जाणौ कारिए पोकड़ाए जांदा।”

मत्ती 26:21

जोबै तिनुऐ खाणौ खाए लो थियु तोबै तैणै बौल़ौ, “हांव तुऔं कैंई साचौ बुलू, कै तुऔं मुंजीदा ऐक मुखै थोम्बाला।”

मत्ती 26:31

तोबै यीशुए तिनुखै बौल़ौ, “तुऐं सौबै ऐलो ही रातै मुखै छोड़ेयौ भागी जालै, जिथुकै पवित्र शास्त्र दो लैखै राखौ, ‘हांव रोखवाल़ै खै मारै दैन्‍दा, औरौ झुंड की भेड़ो तितर बितर हौए जान्दी।’

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 13:11

यीशु आपणै थोमाणोवाल़ै कै जाणौ थिया इथकारिए तैणै बौल़ौ, “कै तुऐं सौबै शुध्द औसौ, सिरफ ऐकी कै छोड़ेयौ।”

यूहन्ना 18:5

तिनुऐ तैसीखै जोवाब दिया, “नासरत गांव कै यीशु खै।” यीशुए तिनुखै बौल़ौ, “हांव औसौ।” तैसी थोमाणौवाल़ा यहूदा इस्‍करियोती बै तिनकै साथै खौड़ा थिया।

यूहन्ना 18:7

तोबै तैणै तिनुवांदो पूछु, “तुऐं कोसी कै जौए लौआ।” तिनुऐ बौल़ौ, “नासरत गांव कै यीशु खै।”

यूहन्ना 19:28

इथकै बाद यीशुए ऐजौ जाणियौ कै ऐबै मोऐं सौबै काम खत्म कौरे पाए, इथकारिए पवित्र शास्त्र दै लिखैयौंदी बात साची साबित हौंव, यीशुए बौल़ौ, “हांव तिशा औसौ।”

यूहन्ना 6:64

पौरौ तुऔं मुंजी कैतरै ऐशणै औसौ कुणिए ऐशणै बै औसौ जू मुं पांदी बिशवाश ना कौरौ।” जिथुखै यीशु आगै दो उंडु जाणौ थिया, कै जू बिशवाश ना कौरौ सैजै कुण औसौ, औरौ कुण मुखै थोम्बादा।

प्रेरितो कै काम 2:28

तुऐं मुखै जिन्दगी जीणो कै बाट बौताए राए; तू मुखै आपणै धोरे रौणौ कै दवारा खुशी लैई भोरै दैन्‍दा।’”

1 पतरस 4:1

इथकारिए, जोबै कै मसीहे आपणै शोरीरो दा हौयौ दुख सौऊआ, इथकारिए तुऔं बै तियौं सोंच कै साथै दुख सैहणौ कारिए तैयार रौणौ चैंई जू तैसदै थी। जिथुकै जै तुऐं मसीह कारिए दुख सैहणौ कारिए तैयार हौंव, तौ तुऐं पाप ना कौरणौ का फोयसला कौरे पाए,