यूहन्ना 18:3 - सिरमौरी नौवाँ नियम

³ तोबै यहूदा इस्‍करियोती सैनिकौ कै ऐकी गुटो कै औरौ मुख्य यहूदी पुरोहितो औरौ फरीसी लोगौ कै ढौबौशा मंदिर कै रौखवाल़ै कै लोयो खै दिवे औरौ मशालों औरौ हथियारों कै लोयो खै तिथै ओऊवे।

Sirmouri

³ तबे यहूदा इस्करियोती आरी रोमी फऊँजी का ऐक दल़, मुँख्या-याजकों, अरह् यहूदी भाट-बाम्णों के चंम्चों आरी तेथै पंह्ऊँचा; अरह् सेजे लोग लाल्ट्णों अरह् डाव बाल़ियों हंथियारह्-शाँन्द्रों थागियों तेथै आऐ।

यूहन्ना 18:3 ပူးပေါင်းရင်းမြစ်များ

मत्ती 25:1

“तोबै यीशुए आपणै चैलै कै बौल़ौ, जोबै हांव आदमी का बैटा पाछु आन्दा, तोबै स्वर्ग का राज्य दु‌‌ल्हन कै तिनु दस कुंवारी सहैली साए औसौ जू आपणी मशालों लोएयों दुल्है शै भैटिणौ कारिए तैसकै बियाव कै जशन दी हुटी।

यूहन्ना 13:2

यीशुए औरौ तैसकै चैलै बेयाल़ी खाए लोए थै। शैतानै आगैई यीशु कै धौखा दैणौ कारिए शमौन कै बैटै यहूदा इस्‍करियोती कै मनो कै उकसाए राए थिया।

यूहन्ना 18:12

तोबै सैनिकौ कै गुटे औरौ तिनकै औधिकारियो औरौ यहूदी मन्दिरो कै रौखवाल़ै यीशु खै थाम्बैयौ बानै दिया।

यूहन्ना 18:18

मुख्य यहूदी पुरोहितो कै नोकर औरौ मन्दिर कै रोखवाल़ै जाड़ो लागणौ की बौजैह शै अंगार बाल़ेयो खै खौड़ै हौयौ आग सेकदै लागै रौवै थिए तोबै पतरसे बै तिनकै साथै आग सैकै लोए थै।

यूहन्ना 18:22

जोबै तैणै तिनुखै बौल़ौ, तौ मन्दिर कै रोखवाल़ै मुंजीदै ऐकीए जू तिथी खौड़ा थिया, यीशु कै चटाका लायौ बौल़ौ, “का तू महायहूदी पुरोहित कै ऐशैखै जोवाब दैय?”

यूहन्ना 19:6

जोबै मुख्य यहूदी पुरोहितो औरौ सिपाहीए तैसी दैखा, तिनुऐ लैरौ मारेयों बौल़ौ, “यीशु खै क्रूसो पांदी किलियों खत्म कौरौ।” पिलातुसे तिनुकै बौल़ौ, तुऐंई ऐसीकै नियौ खै क्रूसो पांदी चौढ़ाव, जिथुकै हांव ऐसदा किछै बै दोष ना पोऊँ।

यूहन्ना 7:32

फरीसी लोगै भीड़ कै लोगौ खै तैसकै बारै मुंजी ऐजी बातौ चुप्पी-चुप्पी कौरदै बैई शुणी औरौ मुख्य यहूदी पुरोहित औरौ फरीसीए तैसी थामणो कै मन्दिर कै रोखवाल़ै छाड़ै।

प्रेरितो कै काम 1:16

“ओए रै, भाईयों जौरुरी थियु, कै पवित्र शास्त्र दो यहूदा कै बारै मुंजी लिखैयौंदी बात पूरी हौं, जू पवित्र आत्माए बौहुत सौमय आगै राजा दाऊद कै जरिए यहूदा इस्‍करियोती कै बारै दो बौताए राए थियु कै सै यीशु कै पाकौड़णौ वाल़ै लोगौ का बौतैईया बौणै गौआ।

प्रेरितो कै काम 10:1

कैसरिया नगर दा कुरनेलियुस नांव का ऐक आदमी थिया, जू इतालियानी नांव सैनिक गुट का सूबेदार थिया।