यूहन्ना 18:20 - सिरमौरी नौवाँ नियम

²⁰ यीशुए तिनुकै जोवाब दिया, मोऐं सौबीआरी खौलेयौ बातौ कौरी, मोऐं यहूदी सभा-घोरो औरौ मन्दिर दै जिथै सौबै यहूदी लोग कौठै हौया कौरौ थिए, सौदा उपदैश दिए औरौ गुप्‍त दौ किछै बै ना बुली।

Sirmouri

²⁰ प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।

यूहन्ना 18:20 ပူးပေါင်းရင်းမြစ်များ

मत्ती 24:26

इथकारिए जै सै तुऔं बौल़ौ, ‘दैखौ, मसीह शुनशान जौगैह पुंडा औसौ।’ तौ तैसी दैखणौ कारिए बायरै ना जाया, ‘दैखौ सै कोठारियों दा औसौ,’ तौ बिशवाश नी कौरेया।”

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

मत्ती 26:65

जोबै महायहूदी पुरोहिते यीशु कै ऐजै बात शौणै तोबै तैणै इयौं बातौ शै गुस्सा हौयौ खै आपणै खोटणो चिरेयौ बौल़ौ, “ऐणै पौरमेशवर कै नेंदैया कौरे राए आमु गवाहो कै हौजौ का जौरुरत औसौ? दैखौ तुऐं ऐजै नेंदैया शौणै राए।

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 9:35

तोबै यीशु औरौ तैसकै चैलै गलील जिले कै शहरो औरौ गांव शै हौयौ हौटै, औरौ तिनकै यहूदी सभा-घोर मुंजी उपदैश दैंदा, औरौ पौरमेशवर कै राज्य का सुसमाचार प्रचार कौरदा, औरौ हर भान्त की बीमारी औरौ कमजोरियों खै दूर कौरदा रौआ।

मरकुस 8:32

यीशुए ऐजै बात तिनुखै साफ-साफ बौल़ै दै। पतरस ना चांव थिया कै मसीहा दुख झेलेयो मौरे जांव, इथकारिए सै यीशु कै डांटदा लागा कै आपणै बारै दी ऐजी बातौ ना बौल।

लूका 21:37

आई दूसै यीशु मन्दिर दा उपदैश दैंव थिया, औरौ राती कै बायरै जाऐबा जैतून नांव कै धारो पांदी रौया कौरौ थिया।

लूका 4:15

औरौ सै तिनकै यहूदी सभा-घोरो दा जाएयो उपदैश दैंदा रौआ, औरौ सौबै तैसकै बौड़ाए कौरदै लागै।

यूहन्ना 18:21

तुऐं मुंआदो किथु पूछु? शुणणौवाल़ै लोगौ शै पूछ कै मोऐं तिनुवा का बौल़ौ? दैख सै जाणौ कै मोऐं का का बुलू।

यूहन्ना 6:59

ऐजी बातौ यीशुए कफरनहूम नगर कै ऐकी यहूदी सभा-घोरो दी उपदैश दैन्‍दै बैई बुली।

यूहन्ना 7:14

औरौ जोबै तैयारो कै आधै दूस बितै गौवै; तोबै यीशु मन्दिरो दै जायौ खै उपदैश दैन्दा लागा।

यूहन्ना 7:26

पौरौ दैखौ, सै तौ खुलैआम बातौ कौरौ औरौ कुणिए तैसीखै किछै ना बौल़ौ; कोदी ऐशै तौ नी कै तिनुऐ साचौ जाणै पोऊ; कै ऐजाई मसीह औसौ?

यूहन्ना 7:28

तोबै यीशुए मन्दिरो दै उपदैश दैयौ जोर शै बौल़ौ, “तुऐं मुखै जाणौए औरौ ऐजौ बै जाणौए कै हांव कुकै का औसौ। हांव तौ आपी शा ना ऐई पौरौ मैरा भैजणौवाल़ा पौरमेशवर भोरोशे लायक औसौ, तैसीखै तुऐं ना जाणौ।

यूहन्ना 7:4

जिथुखै जू कुणिए बै मोशुर हौणौ चांव सै छिपीयो काम ना कौरौ, जै तू चौमत्कार कै काम कौरे, तौ आपी खै दुनिया पांदी प्रगट कौर।”

यूहन्ना 8:2

औरौ दूजै का झीशो ही यीशु मन्दिर कै आँगणो दा हौटा, औरौ बौहितै सारै लोग तैसकै धोरे आए; सै बौठै गौआ औरौ तिनु शिक्षा दैन्‍दा लागा।

यूहन्ना 8:26

तोंवारै बारै मुंजी मुखै बौहितु किछै बौलणौ औरौ तोंवारा न्याय कौरणा; पौरौ मैरा भैजणौवाल़ा पौरमेशवर साचा औसौ; औरौ जू मोऐं तैसीयांदो शौणै राए, सैजौई दुनिया कै लोगौ खै बुलूए।

प्रेरितो कै काम 26:26

राजा बै जैसकै सामणै मोऐं बैदड़क हौयौ बौल़ै लौ, ऐजी बातौ जाणौए औरौ मुखै बिशवाश औसौ, कै इनु बातौ मुंजीदी कुणजै बै बात तैसीयादी छिपैयौंदी नी आथी जिथुकै ऐजी घटना तौ मेसो ना होई।