यूहन्ना 17:26 - सिरमौरी नौवाँ नियम

²⁶ मोऐं तिनुकै बौताए राए कै तू कुण औसौ, औरौ बौतांदा रौंदा कै जू प्यार तू मुं आरी कौरे, सैजा प्यार तिनुदा रौंव, औरौ हांव तिनुदा रौंऊ।”

Sirmouri

²⁶ मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 17:26 ပူးပေါင်းရင်းမြစ်များ

यूहन्ना 14:20

जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं।

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 15:15

ऐलो दै ऊबै हांव तुऔं नोकर ना बौलदा, जिथुकै नोकर ना जाणौ कै तैसका मालिक का कौरौ। पौरौ मोऐं तुऔं खै दोस्त राए बौल़ै, जिथुकै मोऐं जू बातौ आपणै पिता पौरमेशवर शै शौणै रैई, सैजी सौबै तुऔं बौताए दी।

यूहन्ना 15:4

तुऐं मुंदै बौणैयौंदे रौंव, औरौ हांव तुऔं दा बोणेयोंदा रौंदा। जैशै शाई जै बाली दी बौणेयौंदी ना रौंव, तौ आपी ना फोल़ सौकौ। तैशैकैई, तुऐं किछै बै आछौ ना कौर सौकौ जै तुऐं मुं दै बौणैयौंदे ना रौंव।

यूहन्ना 15:9

जैशै पिता पौरमेशवरे मुं आरी प्यार राख राए, तैशैकैई मोऐं तुऔं आरी प्यार राखा, मैरै प्यार दै बौणैयौंदे रौंव।

यूहन्ना 17:23

हांव तिनुदा औरौ तू मुं दा कै सै सिध्‍द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।

यूहन्ना 17:6

“मोऐं तैरै बारै मुंजी तिनु चैलै कै बौताए राए, जिनु तुऐं दुनिया पौरैशै चोणैयो मुखै दैय राए। सै तैरै थिए औरौ तुऐं तिनु मुखै दैय राए औरौ तिनुऐ तैरै वचन कै मानै पाए।

यूहन्ना 17:8

जिथुकै जू सौंदेश तुऐं मुखै दिया, सै मोऐं तिनुखै दिया औरौ तिनुऐ तैरै सौंदेश पांदी बिशवाश कौरा, ऐबै तिनु यकीन औसौ कै हांव तैरै ढौबौशा आए रौआ। औरौ ऐजा बिशवाश कौरे राए कै तुऐंई मुखै छाड़ा।

यूहन्ना 6:56

जू मैरा शोरीर खांव औरौ मैरा लोऊ पियौं सै मुंआरी जियुंदा बौणेयौंदा रौंव। औरौ हांव तैसीआरी जियुंदा बौणेयौंदा रोऊं।

यूहन्ना 8:50

पौरौ हांव आपणा आदर ना चोऊ पौरौ ऐक औसौ जू चांव कै मुखै आदर भैटौ औरौ सै सैजाई औसौ जू न्याय बै कौरौ।

रोमियों 8:10

जै मसीह तुऔं दा औसौ, तौ आत्मा तुऔं जीवन दैंव जिथुकै तुऐं पौरमेशवर कै साथै सोही ठोहराए गौवै।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 12:12

जिथुकै जैशैखै आदमी का शोरीर ऐक औसौ औरौ तैसकै शोरीर कै अंग बौहितै औसौ, औरौ तैसी शोरीर कै सौबै अंग, बौहितै हौणौ पांदी बै सौबै मिलैयौ ऐकैई शोरीर कै औसौ तैशैखैई मसीह बै औरौ तैसी पांदी बिशवाश कौरणौवाल़ै बिशवाशी बै ऐक औसौ।

गलातियौं 2:20

हांव मानौ मसीह कै साथै क्रूसो पांदी मौरे गौआ। ऐबै हांव जियुंदी ना रोई, पौरौ मसीह मुं दा जियुंदी औसौ। औरौ हांव शोरीरो दा ऐबै जू जियुंदी औसौ तौ सिरफ पौरमेशवर कै बैटै पांदी बिशवाश कौरणौ कै दवारा जियुंदी औसौ, जैणै मुंआरी प्यार कौरा औरौ मुं कारिए आपणै जान दैय दी।

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

इफिसियों 5:30

इथकारिए कै आमु सौबै मसीह कै शोरीर कै अंगो कै जैशणै औसौ।

इफिसियों 5:32

ऐजा भैद तौ बौड़ा औसौ; ऐजी ऐक कीमती औरौ गंभीर शिक्षा औसौ पौरौ मोऐं सौथीखै मसीह औरौ कलीसिया कै बीच कै सौमबंध कै बारै मुंजी बात कौरे लौए।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 2:10

मसीह हरेक शौकतै औरौ औधिकार पांदी प्रधान औसौ इथकारिए जै तुऐं मसीह दै जोड़ेयौंदे औसौ तौ तुऔं कोसी बै चीज़ कै कमी ना आथी।

कुलुस्सियों 3:11

ऐसी बौजैह शै ऐक यूनान देश कै रौणौवाल़ै लोगौ कै बीच कुणजाई भैदभाव ना आथी औरौ ना यहूदी लोगौ मुंजी, ना खतना कौरणौवाल़ौ मुंजी, ना बिना खतना कौरवाणौवाल़ै लोगौ मुंजी, ना विदेशी लोगौ मुंजी, ना असभ्य लोगौ मुंजी, ना दास औरौ ना गुलामो मुंजी कुणजाई भैदभाव औसौ, पौरौ मसीह ही सौबै ठुँ औसौ औरौ सै आपणै सौबी लोगौ मुंजी रौंव।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

इब्रानियों 2:12

इथकै बारै मुंजी पौरमेशवर शै मसीह बौल़ौ, “जू भले काम तुऐं मैरै खातिर कौरे राए, सैजै काम हांव आपणै लोगौ खै बौतांदा, जोबै सै आराधना कै खातिर कौठै हौंदै तोबै हांव तैरै महिमा कौरदा।”

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।