यूहन्ना 17:22 - सिरमौरी नौवाँ नियम

²² औरौ सैजै महिमा जू तुऐं मुखै दै, मोऐं तिनुखै दै कै सैजै तैशैकैई ऐक हौंव जैशैकै आमुए ऐक औसौ।

Sirmouri

²² “सेजी बड़ियाऐ, जुण्जी तुऐं मुँखे देऐ थऐ, सेजी बड़ियाऐ, मुँऐं ईनखे देऐ थंऐ; जू ऐ भे ऐक हंऐ ज़ाँव, जेष्णें के आँमें ऐक असो:

यूहन्ना 17:22 ပူးပေါင်းရင်းမြစ်များ

मरकुस 6:7

तोबै इथकै बाद यीशुए बारौ चैलै खै आपणै धोरे बोईदै औरौ तिनु दो-दो कौरेयौ जौई-जौई गांव दै छाड़दा लागा, औरौ तिनु दुष्टआत्माओं खै बायरै घाड़णो का औधिकार दिया।

लूका 22:30

ताकि तुऐं मैरै राज्य दै मैरी मेजो पांदी खांव पीयों, पौरौ सिंहासन पांदी औरौ बोठेयो इस्राएल देश कै बारौ गोत्रो का न्याय कौरौ।”

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 1:16

जिथुखै तैसकै महान दया की परिपूर्णता शै आमु सौबी खै अनुग्रह पांदी अनुग्रह भैटी रौआ।

यूहन्ना 14:20

जोबै हांव जियुंदा पाछु आन्दा, तोबै तुऐं जाणै पांदै, कै पिता पौरमेशवर मुं दा रौंव, औरौ तुऐं मुं दै रौलै औरौ हांव तुऔं दा रोऊं।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

रोमियों 8:30

तोबै जिनु कारिए पौरमेशवरे आगैई तय कौरे राए तिनु चोणे बै राए, औरौ जिनु चोणे राए, तिनु धरमी साबित कौरे राए, औरौ जिनु धरमी साबित कौरे राए, तिनकै साथै आपणै महिमा बै बांडै राए।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

1 यूहन्ना 3:24

औरौ जू पौरमेशवर कै आज्ञा खै मानौए, सै तैसकै साथै औरौ पौरमेशवर तैसकै साथै बौणेयौंदा रौंव औरौ पवित्र आत्मा लैई जू तैणै आमु दैय राए, आमै जाणुए कै पौरमेशवर अमारै साथै बौणेयौंदा रौंव।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

प्रकाशितवाक्य 21:14

तिनुऐ शहर कै दीवार बारौ बौड़ै-बौड़ै पाथरो पांदी बाणै राए थी, औरौ हरेक पाथर पांदी मेम्ने कै बारौ चोणेयौंदे चैलै मुंजीदै ऐक-ऐक कौ नांव लैखयौंदा थियु।