यूहन्ना 17:18 - सिरमौरी नौवाँ नियम

¹⁸ जैशै तुऐं मुखै दुनिया पांदी भैजा तैशैखैई मोऐं बै तिनुकै दुनिया पांदी भैजै।

Sirmouri

¹⁸ जेष्णाँ तुँऐं मुँह संईसारी दा डेयाल़ा थिया, तेष्णें ही मुँऐ भे ईनू संईसारी दे डेयाल़ी थुऐ;

यूहन्ना 17:18 ပူးပေါင်းရင်းမြစ်များ

मत्ती 10:5

इनु बारौ चैलै खै यीशुए ऐजै आज्ञा देएयो भैजै कै, “बैगानै यहूदी लोगौ कै ढौबौ नै जाया, औरौ सामरी लोगौ कै कोसी नोगरो दै नै जाया।

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

यूहन्ना 17:21

कै सैजै सौबै ऐक हौंव, जैशै तू ओए रै पिता मुं दा औसौ, औरौ हांव तांवदा औसौ, तैशैखैई सैजै बै आमु मुंजी हौंव। इथकारिए दुनिया कै लोग बिशवाश कौरौ, कै तुऐंई मुखै भैजै राए।

यूहन्ना 17:23

हांव तिनुदा औरौ तू मुं दा कै सै सिध्‍द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।

यूहन्ना 17:25

ओए रै धरमी पिता, दुनिया कै लोगै ताखै ना जाणी, पौरौ मोऐं ताखै जाणै राए, औरौ इनु चैलै बै जाणै पाए कै तुऐंई मुखै भैजै राए।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 17:8

जिथुकै जू सौंदेश तुऐं मुखै दिया, सै मोऐं तिनुखै दिया औरौ तिनुऐ तैरै सौंदेश पांदी बिशवाश कौरा, ऐबै तिनु यकीन औसौ कै हांव तैरै ढौबौशा आए रौआ। औरौ ऐजा बिशवाश कौरे राए कै तुऐंई मुखै छाड़ा।

यूहन्ना 20:21

यीशुए तिनुखै हौजौ बौल़ौ, तुऔं शान्तै भैटौ; जैशैखै मैरै पिता पौरमेशवरे मुखै दुनिया पांदी भैजै राए ऐशैकैई मोऐं बै तुऔं दुनिया पांदी भैजै लोऐ।

यूहन्ना 3:17

जिथुकै पौरमेशवरे दुनिया कै लोगौ खै सौजा दैणौ कारिए आपणै बैटै कै दुनिया दा ना छाड़ी, पौरौ इथकारिए कै दुनिया कै लोग तैसकै दवारा मोक्ति पांव।

यूहन्ना 4:38

मोऐं तुऔं खै तियौं बागड़ी काटणौ कारिए छाड़ै, जिथमुंजी तुऐं मैहनत ना कौरे रैई, ओकीए मैहनत कौरे, औरौ तुऐं तिनकै मैहनत कै फसल कै कौठै कौरलै।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

इफिसियों 3:7

औरौ पौरमेशवरे मुखै ऐई मुंजी आपणा अनुग्रह औरौ बौड़ी शौकतै शै, सुसमाचार बौताणौ का सौभाग्य दैय राए।