यूहन्ना 17:1 - सिरमौरी नौवाँ नियम

¹ यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

Sirmouri

¹ प्रभू यीशू ऐं ऐजी बादी बातो जबे बुली पाई, तअ तिन्ऐ आप्णीं आखी अगाषों की ढबै लाऐयों बुलो; “हे बाबा, सेजी घड़ी आऐ पुझ़ी, ऐबे आप्णें बैटे की बड़ियाऐ करह्; जू बैटा भे तुवाँरी बड़ियाऐ करी सको।

यूहन्ना 17:1 ပူးပေါင်းရင်းမြစ်များ

मरकुस 14:41

तोबै तिजाल़ियों आयौ तिनुखै बौल़ौ, “ऐबै सौतेयौंदै रौया औरौ बिशांव कौरेया, बस ऐबै सौमय आए गौआ, दैखौ हांव आदमी का बैटा पापियों कै हाथ थोमाए जांदा।

लूका 18:13

“पौरौ मामला लोणो वाल़ै दूर ही खौड़ा हौयौ औरौ तैणै स्वर्ग कै ढौबौ दैखणौ बै ना चोऊ, पौरौ दुख कै साथै छाती पीटैयो बौल़ौ, ‘ओए रै पौरमेशवर मुं पापी पांदी दया कौर।’

लूका 22:53

जौल़ौ हांव मन्दिर दा रौज तोंवारै साथै थिया, तौ तुऐं मुं पांदी हाथ ना पाई, पौरौ ऐजा तोंवारा सौमय औसौ औरौ इनारै का औधिकार औसौ।”

यूहन्ना 11:4

ऐजौ शोणेयो खै यीशुए बौल़ौ, “इयौं बीमारी का अन्त मौत ना आथी पौरौ पौरमेशवर कै महिमा कारिए औसौ, कै ऐसकै दवारा मुं पौरमेशवर कै बैटै कै महिमा हौंव।”

यूहन्ना 11:41

तोबै तिनुऐ सैजा पाथर होटोऊवा, यीशुए स्वर्ग कै ढौबौ दैखैयो बौल़ौ, “ओए रै पिता, हांव तैरा धन्यवाद कौरु कै तू मैरै शौणै पाए।

यूहन्ना 12:23

इथपांदी यीशुए तिनुखै बौल़ौ, “कै सैजा सौमय आए गौआ, कै मुं आदमी कै बैटै कै महिमा हौंव।”

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 7:30

इथपांदी नेताए तैसीखै थामणा चोऊवा तौ बै कोसीए तैसी गिरफ्तार ना कौरी, जिथु तैसखै मौरणौ का सोही सौमय इबी तौड़ी ना आए रैई थी।

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

यूहन्ना 8:20

ऐजी बातौ तैणै मन्दिरो कै आँगणो दी उपदैश दैंदै बैई भण्डार घोरो दी बुली, औरौ कोसीए तैसीखै ना पाकड़ी जिथु तैसका दुख सोणो का सौमय इबी तौड़ी ना आए रैई थी।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।