यूहन्ना 16:3 - सिरमौरी नौवाँ नियम

³ ऐजौ सैजै इथकारिए कौरदै कै तिनुऐ पिता पौरमेशवर कै ना जाणी औरौ ना मुखै जाणौ।

Sirmouri

³ से ऐजा कुँकंर्म ईन्देखे कर्ले, के तिन्ऐं ना तअ बाबा जाँणीं; अरह् ना तिन्ऐं मुँह जाँणी;

यूहन्ना 16:3 ပူးပေါင်းရင်းမြစ်များ

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

यूहन्ना 15:23

जू मुं आरी बोयर राखौ, सै मैरै पिता पौरमेशवर आरी बै बोयर राखौ।

यूहन्ना 17:25

ओए रै धरमी पिता, दुनिया कै लोगै ताखै ना जाणी, पौरौ मोऐं ताखै जाणै राए, औरौ इनु चैलै बै जाणै पाए कै तुऐंई मुखै भैजै राए।

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 8:19

तिनुऐ तैसीखै बौल़ौ, “तैरा पिता कुकै औसौ?” यीशुए जवाब दिया, “ना तौ तुऐं मुखै जाणौ औरौ ना मैरै पिता खै जाणौ, जै तुऐं मुखै जाणदै तौ मैरै पिता खै बै जाणदै।”

यूहन्ना 8:55

तुऐं तौ तैसी ना जाणौ: पौरौ हांव तैसी जाणुए। जै हांव तैसी बुलू, कै हांव ताखै ना जाणु, तौ हांव तुऔं साए झूठा ठोरदा। पौरौ हांव तैसी जाणुए औरौ तैसकै आज्ञा मानुए।

प्रेरितो कै काम 3:17

“औरौ ऐबै ओए रै भाईयों हांव जाणुए कै तुऐं औरौ तुंआरै नेताए यीशु कै अणजाणै दा मारै दिया, जिथुकै तुऔं पोता ना थी कै सै मसीह थिया।

1 कुरिन्थियों 2:8

इयौं दुनिया कै हाकिमै पौरमेशवर कै योजना खै ना सौमझी, जिथुकै जै सै जाणदै, तौ तेज़ोमय प्रभु खै क्रूसो पांदी नै चौढ़ांदै।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।

1 यूहन्ना 2:23

जू कुणिए पौरमेशवर कै बैटै कै मौना कौरौ तैसीकैईं पिता पौरमेशवर बै ना आथी, जू बैटै खै मानै पांव, तैसीकैईं पिता पौरमेशवर बै औसौए।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 4:8

औरौ जू कुणिए आदमी ओकी लोगौआरी प्यार ना राखौ सै पौरमेशवर खै ना जाणौ, जिथुकै पौरमेशवर प्यार औसौ।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।