यूहन्ना 16:27 - सिरमौरी नौवाँ नियम

²⁷ जिथुकै पिता पौरमेशवर तौ आपी बै तुऔं आरी प्यार राखौ, इथकारिए कै तुऐं मुंआरी प्यार राख राए औरौ ऐजा बै बिशवाश कौरे राए कै हांव पिता पौरमेशवर की ढौबौशा आए रौआ।

Sirmouri

²⁷ बाबा आपु भे तुओं आरी प्यार करह्, किन्देंखे के तुऐं मुँह आरी प्यार करी थो; अरह् ऐजा भे बिश्वाष करी थुवा, के हाँव बाबा की ढबै शा आऐ रूवा।

यूहन्ना 16:27 ပူးပေါင်းရင်းမြစ်များ

मत्ती 10:37

जू माँ बापू खै मुं दा जादा प्यार कौरौ, सै मैरै लायक ना आथी, औरौ जू बैटा या बैटी खै मुं दा जादा प्यार कौरौ, सै मैरा चैला बौणणौ कै लायक ना आथी।

यूहन्ना 14:21

जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”

यूहन्ना 14:23

यीशुए तैसीखै जोवाब दिया, “हांव आपी खै ऐशणै लोगौ कै दिखोऊ, जू मुं आरी प्यार कौरौ औरौ जू मैरी शिक्षा कै मानौए। औरौ मैरा पिता पौरमेशवर तैसीआरी प्यार राखदा, औरौ आमै तैसकै धोरे आन्दै, औरौ तैसकै साथै सौदा रौन्दै।

यूहन्ना 16:30

ऐबै आमै जाणै गौवै, कै तू सौबै ठुँ जाणै, औरौ ताखै कोसी कै जौरुरत ना आथी कै कुणिए तुंआदै सवाल पूछौ, इथकारिए आमुए बिशवाश कौरु, कै तू पौरमेशवर की ढौबौशा आए रौआ।”

यूहन्ना 17:23

हांव तिनुदा औरौ तू मुं दा कै सै सिध्‍द हौयौ खै ऐक हौए जांव, औरौ दुनिया जाणौ कै तुऐं ही मुखै भैजै राए, औरौ जैशणा तुऐं मुं आरी प्यार राखा, ऐशणाई तिनुआरी प्यार राखा।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 3:13

कुणिए स्वर्गो दा ना हौटै रैई, सिरफ हांव आदमी का बैटा स्वर्ग शै धैनै आए रौआ।

यूहन्ना 7:29

पौरौ हांव तैसीखै जाणुए; जिथुखै हांव तैसकै औरौ शा औसौ औरौ तैणै मुखै भैज राए।”

यूहन्ना 8:42

यीशुए तिनुकै बौल़ौ, “जै पौरमेशवर तोंवारा पिता पौरमेशवर हौंदा, तौ तुऐं मुं आरी प्यार राखदै, जिथुकै हांव पौरमेशवर कै ढौबौशा आए रौआ, हांव खुद शै ना आए रैई पौरौ तैणै ही मुखै भैजै राए।

रोमियों 8:3

जिथुकै जू काम मूसा कै कानून अमारै पापी स्‍वभाव दै कमजोर हौयौ ना कौरे सौकी, तैसी काम कै पौरमेशवरे कौरा, यानी आपणै ही बैटै कै अमारै जैशणा आदमी हौणौ कारिए, औरौ अमारै पापौ कै बलिदान हौणौ कारिए भैजा। आपणै बैटै कै शोरीर कै दवारा पौरमेशवरे पाप कै शौकतै कै मिटाए दी।

1 कुरिन्थियों 15:47

आगला आदमी जू आदम थिया, धोरती पौरैशा यानी माटी लैई बौणेयौंदा थिया। मसीह जू कै दूजा आदमी औसौ, स्वर्ग पौरैशा ओऊवा।

1 कुरिन्थियों 16:22

ओए रै अमारै प्रभु, आए जा!

2 कुरिन्थियों 5:14

जिथुकै मसीह का प्यार आमुखै मोजबूर कौरे दैंव; इथकारिए कै आमु ऐजा पौता औसौ, कै ऐक आदमी सौबी लोगौ कै खातिर मौरे गौआ, इथकारिए सौबै लोग मौरे गौवै।

गलातियौं 4:4

जोबै सोही सौमय ओऊवा तौ पौरमेशवरे आपी आपणै बैटै खै ऐसी दुनिया दा भैजा, औरौ ऐक बैटमाणिशै तैसी जन्म दिया, औरौ सै यहूदी पौयदा हौयौ, मूसा कै कानून कै अधीन इथकारिए रौआ,

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

इब्रानियों 12:6

जिथुकै प्रभु जैसी आरी प्यार कौरौ, तैसीखै डांट बै लांव, औरौ जैसी सै आपणा बैटा मानौ, तैसीखै सै छिटै कै बै मारो।”

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।

प्रकाशितवाक्य 3:9

हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ सौथीखै आथी नी, सै झूठु बौल़ौ, पौरौ सौथीखै सै तैसी गुट कै लोग औसौ जू शैतान का औसौ। हांव ऐशै कौरदा, कै सै आयौ तैरै सामणै रिड़दै, औरौ ऐजौ जाणै पांदै, कै मोऐं तांवआरी प्यार राखै राए।