यूहन्ना 16:25 - सिरमौरी नौवाँ नियम

²⁵ “मोऐं ऐजी बातौ तुऔं उदारणो दी बौल़ै रैई, पौरौ सैजा सौमय आए गौआ, कै हांव तुऔं खै उदारणो दौ हौजौ ना बौलदा, पौरौ खौलेयौ तुऔं पिता पौरमेशवर कै बारै मुंजी बोताऊंबा।

Sirmouri

²⁵ “ऐसी बख्त्ते मुँऐं ऐजी बादी बातो तुओं कैई अंनाँणें दी बुली थंई; परह् सेजा बख्त्त आँदा लागा, जबे हाँव बाबा के बारे दो अंनाँणें शो ने; परह् साफ़-साफ़ खुह्लियों बुली देऊँबा।

यूहन्ना 16:25 ပူးပေါင်းရင်းမြစ်များ

मरकुस 4:13

तोबै यीशुए तिनुखै बौल़ौ, “जै तुऐं इनु उदारणो कै ना सौमझौ, तौ तोबै औकै सौबै उदारण कैशैखै सोमझलै जू हांव बौताणौवाल़ा औसौ?”

मरकुस 4:34

औरौ यीशु जौल़ौ बै लोगौ खै पौरमेशवर कै राज्य कै बारै दो बौतांव थिया, हमैशा उदारण देएबा बौल़ौ थिया; पौरौ सै जौई जाऐबा आपणै चैलै खै सौबी बातौ का मतलब बौताए दैंव थिया।

मरकुस 8:32

यीशुए ऐजै बात तिनुखै साफ-साफ बौल़ै दै। पतरस ना चांव थिया कै मसीहा दुख झेलेयो मौरे जांव, इथकारिए सै यीशु कै डांटदा लागा कै आपणै बारै दी ऐजी बातौ ना बौल।

यूहन्ना 10:24

तोबै यहूदी नेताए तैसीखै आयौ खै घेरे दिया औरौ पूछु, “तुऐं आमु जादा सौमय तौड़ी शक दै पाए राए। जै तू मसीह औसौ, तौ आमुखै साफ-साफ बौताए दै?”

यूहन्ना 10:6

यीशुए तिनुखै ऐजा उदारण बौतौऊवा, पौरौ सै तिथका मतलब ना सौमझी कै तैणै तिनु का बातौ बौल़ै लोई।

यूहन्ना 16:12

“मैरै तुऔं हौजौ बै बौरिशी बातौ बोताणी, पौरौ इबी तुऐं तिथु बरदाश ना कौरे सौकौ।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।