यूहन्ना 16:20 - सिरमौरी नौवाँ नियम

²⁰ हांव तुऔं साचौ-साचौ बुलू; तुऐं मैरै मौरणौ कै बाद रुलै, औरौ दुख दै रौलै पौरौ दुनिया कै लोग खुशी मनांदे, तुऔं शोग हौंदा, पौरौ जोबै तुऐं मुखै होटेयो जियुंदा दैखलै तौ तोंवारा शोग खुशी मुंजी बौदलै जांदा।

Sirmouri

²⁰ हाँव तुँओं कैई ऐक खास बात बुलू: के तुँऐं रूह्ले अरह् लेल्याले, परह् संईसारी आँनन्द-खुशी मंनाँली; तुऐं जरूर शोग-दु:ख्ह मंनाँले, परह् तुवाँरा दु:ख्ह-शोग आँनन्द-खुशी दा बद्ल़ी ज़ाला।

यूहन्ना 16:20 ပူးပေါင်းရင်းမြစ်များ

मत्ती 21:38

पौरौ किसाने बैटै दैखैयो आपी मुंजी बौल़ौ, ‘ऐजा ही तौ वारिस औसौ, चालौ, आमै ऐसीखै बै मारै दियुंबे: औरौ ऐसकै जमीन-जायदात अमारै हौए जालै।’

मत्ती 5:4

“धन्‍य औसौ सैजै जू शोक कौरौ, पौरमेशवर तिनुकै शान्तै दैन्दा।”

मरकुस 14:72

तोबै तौलोंई दुजाल़ियो कुकड़ै बांक दै औरौ पतरस खै सैजै बात जू यीशुए तैसीखै बौल़ै राए थै याद आए, “कुकड़ै कै दो बैई बांक दैणै दै आगै तू तीन बैई मुखै भाजै जांदा।” पतरस इयौं बातौ सोंचैयो बैजाए दुखी हौआ औरौ जोर-जोर शै रुन्दा लागा।

मरकुस 16:10

तियैं जाऐबा यीशु कै साथी खै जू शोक दै डोबै रौवै थिए, समाचार दिया।

लूका 22:45

तोबै सै प्रार्थना कौरेयौ बिज़ा औरौ आपणै चैलै कै धोरे आयौ औरौ तिनु उदासी कै मारै सौतेयौंदै दैखै।

लूका 22:62

औरौ सै बायरै निकल़ैयो हिणकै-हिणकियौं रुन्दा लागा।

लूका 23:27

लोगौ कै बौड़ै भीड़ तैसकै पौछौड़ियौ चालदै लागै: औरौ तिनुआरी बोरिशी बैटमाणिशौ बै थी, जू तैसी कारिए छाती पीटैयो रुओं थी।

लूका 24:17

यीशुए तिनुवांदो पूछु, “ऐजै का बात औसौ? जू तुऐं चालदै-चालदै आपी मुंजी कौरे लोए?” सैजै रौकै गौवै औरौ तिनकै चैहरै बैजाए उदास लागै रौवै थिए।

लूका 24:21

पौरौ आमु उमीद थै, कै ऐजा ही इस्राएल देश कै लोगौ खै रोम देश कै लोगौ शै छुटकारा दैंदा, इनु सौबी बातौ कै सिवाए ऐसी घोटणा कै घोटेयो तीन दूस हौए गौवै।

लूका 6:21

“धन्‍य औसौ तुऐं जू इबी भूखै औसौ; जिथुकै पौरमेशवर तुऔं छोकाला। धन्‍य औसौ तुऐं जू इबी रुओंए, जिथु तुऐं होसदै।”

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

यूहन्ना 16:6

पौरौ मोऐं जू ऐजी बातौ तुऔं बुली, इथकारिए तोंवारा मन उदास हौए गौआ।

यूहन्ना 20:20

औरौ ऐजौ बौलेयौ तैणै तिनु आपणै हाथ औरौ आपणै पसली कै घाव दिखाए। तोबै चैलै प्रभु कै दैखैयो कै बैजाए खुशी हुवे।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

रोमियों 5:11

औरौ सिरफ ऐजौ नी, पौरौ ऐबै तौ अमारै प्रभु यीशु मसीह दवारा पौरमेशवर आरी अमारा मैल-मिलाप हौए रौआ; इथकारिए आमु पौरमेशवर दै खुशी औसौ।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।

प्रकाशितवाक्य 11:10

तिनकै मौरणौ शै आगै, तिनु दो गवाहै पौरैशानी लैई लोगौ कै इशैक पौरैशान कौरे राए थिए कै जोबै लोगै शुणु कै सै मौरे गौवै, तौ सै बैजाए खुश हौए गौवै। इशैक कै सै खुशी शै जशन मौनांदै लागै, औरौ ऐकी-दूजै कै तौफे दैंदै लागै।

प्रकाशितवाक्य 18:7

तू तिथकै निशोंक हौयौ बैजाए पीड़ो औरौ दुख दियांदा जू तिथकै ऐशौ आराम कै जीवन कै तरीकै औरौ तिथकै आपणै प्रति घमण्‍ड कै बराबर औसौ। तिथ शहरै आपी खै बौल़ौ, “हांव ऐक राणी कै जैशणै लोगौ पांदी राज्य कौरदी। हांव ऐक विधवा ना आथी औरौ हांव दुख कै महसूस ना कौरदी।”