यूहन्ना 16:2 - सिरमौरी नौवाँ नियम

² सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

Sirmouri

² से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

यूहन्ना 16:2 ပူးပေါင်းရင်းမြစ်များ

मत्ती 10:28

जू शोरीर खै मारै सौकौ, पौरौ आत्मा खै ना मार सौकौ, तिनुदै नै डौरेया पौरौ पौरमेशवर दै डौरेया जू आत्मा औरौ शोरीर दु खै नरक दा नाश कौरे सौकौ।

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

यूहन्ना 12:42

तोबै बै यहूदी नेताओं मुंजीदै बौहितै तैसी पांदी बिशवाश कौरा, पौरौ फरीसी लोगौ की बौजैह शै सै खौलेयौ तैसी नी मानौ थिए, तिनु इयौं बातौ का डौर थिया कै तिनु यहूदी सभा-घोरो शै बायरै ना गाड़ै दैंव।

यूहन्ना 16:25

“मोऐं ऐजी बातौ तुऔं उदारणो दी बौल़ै रैई, पौरौ सैजा सौमय आए गौआ, कै हांव तुऔं खै उदारणो दौ हौजौ ना बौलदा, पौरौ खौलेयौ तुऔं पिता पौरमेशवर कै बारै मुंजी बोताऊंबा।

यूहन्ना 16:32

दैखौ, सैजा सौमय आए रौआ बल्कि आए बै गौआ जोबै तुऐं सौबै तितर बितर हौयौ कै आपणा आपणा रास्ता लौन्दै, औरौ मुखै इकली छोड़े दैन्‍दै, तोबै बै हांव इकली ना आथी जिथुकै पिता पौरमेशवर मैरै साथै औसौ।

यूहन्ना 4:21

यीशुए तियौंखै बौल़ौ, “ओए रै बैटमाणिश, मैरी बातौ पांदी बिशवाश कौर, कै सैजा सौमय आन्दा लागै रौआ कै तुऐं ना तौ इथु धारो पांदी पिता पौरमेशवर कै आराधना कौरदै, ना यरूशलेम शहर दै।

यूहन्ना 4:23

पौरौ सैजा सौमय आन्दा लागै रौआ, यानी आए ही गौआ, जिथमुंजी साची आराधना कौरणौवाल़ै पिता पौरमेशवर कै आराधना आत्मा औरौ सौचाई शै कौरदै, जिथुकै पिता पौरमेशवर आपणै कारिए ऐशणै आराधना कौरणौवाल़ै जूओं।

यूहन्ना 9:22

ऐजी बातौ तैसकै माँ बापूए इथकारिए बुली जिथुखै सै यहूदी नेताओं शै डौरौ थिए, जिथुखै यहूदी नेता ऐक हौए गौवै थिए, कै जै कुणिए बिशवाश कौरौ कै यीशु ही मसीह औसौ, तौ तैसी यहूदी सभा-घोरो पौरैशै बायरै निकाल़ै दैंव।

यूहन्ना 9:34

तिनुऐ तैसीखै जवाब दिया, “तू तौ पाका ही पापौ शै पौयदा हौए रौआ, तू आमुखै का शिखाए?” औरौ तिनुऐ तैसीखै सभा घोरो शै बायरै निकाल़ै दिया।

प्रेरितो कै काम 5:33

ऐजौ शोणेयो सभा कै सदस्य गुस्से हुवे औरौ चोणेयौंदे चैलै कै मारणा चांव थिए।

प्रेरितो कै काम 7:56

बौल़ौ, “दैखौ, हांव स्वर्ग कै खोलेयौंदा, औरौ आदमी कै बैटै कै पौरमेशवर कै सोऐं ढौबौ खौड़ा हौएयौंदा दैखु।”

1 कुरिन्थियों 4:13

सै बदनाम कौरौ, आमु तिनुवारी नम्रता शै बात कौरु इथै तौड़ी कै ऐबै बै लोग अमारा आदर ना कौरौ; सै बौल़ौए कै अमारै कुणजै कीमत ना आथी।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

प्रकाशितवाक्य 6:9

जोबै मेम्ने पाँचवें मोहर खोले, तौ मोऐं बैदी कै धैनै दैखौ, तिथै तिनु लोगौ कै आत्माए थी जू मारै गौवै थिए जिथुकै तिनुऐ पौरमेशवर कै वचन कै बौताए राए थिया औरौ सै आपणै बिशवाश शै पौछौड़ियौ ना मुड़ी कै यीशु तिनका प्रभु औसौ।