यूहन्ना 16:16 - सिरमौरी नौवाँ नियम

¹⁶ “तैतियोड़ै तुऐं मुखै ना दैखदै, औरौ हौजौ बिस्तौड़ी मुखै दैखलै।”

Sirmouri

¹⁶ “किऐ ही बख्त्तो दा तुँऐं मुँह ने देख्दे, अरह् किऐ ही बख्त्तो दा, तुऐं मुँह हजो पाछ़ू देख्ले।”

यूहन्ना 16:16 ပူးပေါင်းရင်းမြစ်များ

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

यूहन्ना 12:35

यीशुए बौल़ौ, कै पेयाशो (यीशु) ऐबै दैणिक ही सौमय तौड़ी तोंवारै बीच मुंजी औसौ, जांव तौड़ी पेयाशो तोंवारै साथै औसौ तांव तौड़ी हांडदै रौव; ऐशै नी हौंव कै इनारौ तुऔं खै हिशोए दैंव; जू इनारै दा हांडो सै ना जाणौ कै कुकै हांडै रौआ।

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 13:33

ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।

यूहन्ना 16:10

औरौ धार्मिकता कै बारै मुंजी यकीन दिलांदा कै हांव पिता पौरमेशवर कै धोरे चालै रौआ, औरौ तुऐं मुखै हौजौ ना दैखदै।

यूहन्ना 16:22

ऐशैखैई तुऔं इबी शोग औसौ, पौरौ जोबै हांव होटेयो तुऔं आरी भैटिंयुबा तोबै तुऐं खुशी हौंदै; औरौ तोंवारै खोशे कुणिए तुऔं कैईंदै ना छीनदा।

यूहन्ना 16:28

हांव पिता पौरमेशवर कै ढौबौशा दुनिया दा आए रौआ, हौजौ दुनिया कै छोड़ेयौ पिता पौरमेशवर कै धोरे पाछु जांदा लागै रौआ।”

यूहन्ना 16:5

“पौरौ ऐबै हांव आपणै भैजणौवाल़ै पौरमेशवर कै धोरे चालै रौआ औरौ ऐबै तुऔं मुंजीदै कुणिए मुं कैईंदु ना पूछौ, ‘तू कुकै चालै रौआ?’

यूहन्ना 17:13

पौरौ ऐबै हांव तैरै धोरे ओऊं, औरौ ऐजी बातौ दुनिया दी रौंदै बैई बौल़ै लोई, कै सैजै मैरी खुशी लैई पूरी तरह शै भोरै जांदै।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 7:33

इथपांदी यीशुए बौल़ौ, “हांव दैणिक देर तौड़ी औरौ तोंवारै साथै औसौ तिथकै बाद हांव आपणै भैजणैवाल़ै पौरमेशवर कै धोरे पाछु हौटै जांदा।

प्रेरितो कै काम 1:3

औरौ यीशु खै दुख उठाणौ औरौ मौरणौ कै बाद भौरिशै पाकै निशानो लैई आपी खै तिनु जियुंदी दिखांदा रौआ, औरौ चाल़ीश दूसौ तौड़ी सै चोणेयौंदे चैलै खै दैखिंदा रौआ, औरौ पौरमेशवर कै राज्य की बातौ कौरदा रौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।