यूहन्ना 16:15 - सिरमौरी नौवाँ नियम

¹⁵ जू किछै पिता पौरमेशवर कौ औसौ, सैजौ सौबै मैरौ औसौ; इथकारिए मोऐं बौल़ौ, कै तैसी मैरी ढौबौशौ जू भैट रौं, सैजाई तुऔं बोताला।”

Sirmouri

¹⁵ सेजो सब-कुछ़ जुण्जो किऐ बाबा को असो, सेजो सब-कुछ़ मेरो असो; ईन्देंखे मुँऐ ऐजो बुलो, के पबित्र-आत्त्मा मुँह कैई शी भेंटी अंदी बादी बातो तुओं कैई बुल़्दी।

यूहन्ना 16:15 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 13:3

यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्‍वर कै धोरे पाछु जांदा लागै रौआ।

यूहन्ना 14:21

जू मैरी आज्ञा खै जाणौए, औरौ सै तिनु मानौए, सैजाई मुं आरी प्यार कौरौ, औरौ जू मुं आरी प्यार कौरौ तैसीआरी मैरा पिता पौरमेशवर प्यार कौरौ औरौ हांव बै तैसीआरी प्यार कौरदा, औरौ आपी कै तैसी पांदी प्रकट कौरदा।”

यूहन्ना 17:10

औरौ जू लोग मैरै औसौ सैजै सौबै तैरै औसौ; औरौ जू तैरौ औसौ सैजौ मैरौ औसौ; औरौ इथलैई मैरी महिमा प्रगट हौए रौए।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

कुलुस्सियों 1:19

जिथुकै पिता पौरमेशवर कै खुशी इदै औसौ कै तैसकै सारै परिपूर्णता मसीह दै मौजूद रौ।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

कुलुस्सियों 2:9

इथकारिए इनु लोगौ कै धौखै दै नी आव जिथुकै जोबै मसीह आदमै बौणा तोबै बै सै पूरी तरह शै पौरमेशवर थिया।