यूहन्ना 16:13 - सिरमौरी नौवाँ नियम

¹³ पौरौ जोबै सैजा सत्‍य का आत्मा आला, तौ तुऔं पौरमेशवर कै बारै मुंजी जू बै साचौ औसौ बौतांदा। जिथुकै सै आपणै औधिकार शै ना बौलदा, पौरौ जू किछै पौरमेशवर कै ढौबौशौ शुणल़ा, सैजौई बौलदा, औरौ आणौवाल़ी बातौ तुऔं बौतांदा।

Sirmouri

¹³ जबे सेजा मंद्त्तगार, मतल्व सच्चाई की आत्त्माँ आली; तअ से पुरी सच्चाई दी, तुओं खे बाट लाँह्दी; से आप्णीं तरफ़ शो किऐ ने बुल्दी, परह् से सेजो ही बुल्दी; जुण्जो से शुँण्ली, से तुवाँरी ताँईऐ आँणों वाल़ी घट्णाँ पर्गट कंरियों तुवाँरे संहाँम्णें आँण्लीं।

यूहन्ना 16:13 ပူးပေါင်းရင်းမြစ်များ

यूहन्ना 12:49

जिथुकै मोऐं खुद आपणै औधिकार शै आपणी औरौ शी बातौ ना कौरी, पौरौ पिता पौरमेशवरे जैणै मुखै भैजै राए तैणैई मुखै आज्ञा दैय राए, कै का-का बौतौऊं, औरौ का-का सौमझौऊं।

यूहन्ना 14:17

सै पवित्र आत्मा औसौ, जू पौरमेशवर कै बारै मुंजी सच कै प्रकट कौरौ। जिथु दुनिया कै लोग अपनाए ना सौकौ, जिथुकै सै लोग तैसी ना दैखौ औरौ ना तैसीकै जाणौ: पौरौ तुऐं तैसी जाणौए, जिथुकै सै तोंवारै साथै रौंव, औरौ सै तुऔं दा हौंदा।”

यूहन्ना 14:26

पौरौ हौंसला दैणौवाल़ा, यानी पवित्र आत्मा जैसी पिता मैरै नांव शै भेजला, सै तुऔं सौबै बातौ शिखाला, औरौ जू किछै मोऐं तुऔं बौल़ै राए, सै सौबै तुऔं याद कौरांदा।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 15:26

पौरौ जोबै सैजा हौंसला दैणौवाल़ा आला, जैसी हांव तोंवारै धोरे पिता पौरमेशवर कै ढौबौशा भैजदा, या सच का आत्मा जू पिता पौरमेशवर कै ढौबौशा भेजेयोंदा औसौ, सै मैरै गवाही दैला।

यूहन्ना 16:12

“मैरै तुऔं हौजौ बै बौरिशी बातौ बोताणी, पौरौ इबी तुऐं तिथु बरदाश ना कौरे सौकौ।

यूहन्ना 3:32

औरौ जू किछै तैणै दैखौ, औरौ शौणै राए, तिथकै गवाही दैंव पौरौ बौहुत कम लोग यीशु कै गवाही कै औपनांव।

यूहन्ना 8:38

मोऐं तुऔं खै तिनु चीज़ौ खै बौताए लोई जू मोऐं आपणै पिता पौरमेशवर धोरे दैखी रैई; औरौ तुऐं सैजौई कौरदै रौंव, जू तुऐं आपणै पिता शै शौणै राए।”

प्रेरितो कै काम 11:28

तिनुमुंजी दै अगबुस नांव कै ऐकी पौरमेशवर की बातौ बौताणौवाल़ै खौड़ै हौयौ पवित्र आत्मा शै सौंदेश पायौ ऐजौ बौतौऊं, कै सौबै धोरती पांदी ऐक बौड़ा काल़ पौड़दा, औरौ सैजा काल़ महाराजा क्लौदियुस कै सौमय दा पौड़ा।

प्रेरितो कै काम 20:23

सिरफ ऐजौ कै पवित्र आत्मा हर नगर दै चैतावणी दैय-दैयौ मुंकैई बौल़ौ कै कैद औरौ कौल़ेश तांव कारिए तैयार औसौ।

प्रेरितो कै काम 27:24

‘ओए रै पौलुस, डौरेया नी! ताखै महाराजा (कैसर) कै सामणै खौड़ौ हौणौ जौरुरी औसौ। औरौ पौरमेशवरे सौबी खै जीवनदान दैय राखा, जिनुवै तैरै साथै यात्रा कौरे लोए।’

2 थिस्सलुनीकियों 2:12

औरौ पौरमेशवर तिनु सौबी लोगौ का न्यांव कौरदा, जू यीशु मसीह कै बारै मुंजी साची सौंदेश पांदी बिशवाश ना कौरौ, औरौ दुष्ट तरीकै शै प्यार कौरौ।

2 थिस्सलुनीकियों 2:3

इनु बातौ कै बारै मुंजी धौखै दै नी आया, जिथुकै प्रभु यीशु कै पाछु आणौ दा आगै लोग पौरमेशवर का विरोध कौरदै औरौ सैजा दुष्ट आदमी जैसी पौरमेशवर नरक दा नाश कौरदा, सै जौरुर प्रगट हौंदा।

इब्रानियों 1:1

बैजाए साल औगौड़ियौ पौरमेशवरे पुराणिया शै कैईंयौं बार औरौ कैईंयौं तरीकै शै पौरमेशवर कै बातौ बौताणौवाल़ो कै दवारा बातौ कौरी,

1 यूहन्ना 2:20

पौरौ तुऔं तौ मसीह कै दवारा पवित्र आत्मा दैय राए, औरौ तुऐं सौबै साची शिक्षा जाणौए।

1 यूहन्ना 2:27

औरौ तुऔं मसीह कै ढौबौशा पवित्र आत्मा दैय राए औरौ सै तोंवारै भीतरै रौंव; इथकारिए तुऔं शिखाणौ कारिए कोसी कै जौरुरी ना आथी यानी पवित्र आत्मा तुऔं तिनु बातौ कै बारै मुंजी सारै सौचाई कै जाणणौ दै मौदद कौरदा। औरौ जू किछै पवित्र आत्मा तुऔं शिखांव सै साची बातौ औसौ झूठी ना आथी, इथकारिए जैशै कै पवित्र आत्मा तुऔं कै कौरणौ खै बौल़ौए तैशै कै ही मसीह कै साथै एकता दै बौणैयौंदे रौव।

1 यूहन्ना 4:6

आमु पौरमेशवर कै औसौ। जू पौरमेशवर खै जाणौए, सै अमारी शुणौए, जू पौरमेशवर कै ना जाणौ सै अमारै ना शुणौ, ऐशैखैई आमै सौचाई कै आत्मा औरौ झूठ कै आत्मा खै पौछेयाणै पांव।

1 यूहन्ना 5:6

ऐजा यीशु मसीह औसौ जैसी इयौं दुनिया दा पौरमेशवरे भैजै राए, औरौ यूहन्नाए बपतिस्मा दाताए तैसीकै पाणी मुंजी बपतिस्मा दिया, औरौ बाद मै सै लोऊ बौवायौ मौरे गौआ। सै ना सिरफ बपतिस्मा लोन्दा ओऊवा, पौरौ आपणा लोऊ बौवायौ क्रूस पांदी मौरणौ कारिए बै ओऊवा। पवित्र आत्मा बौतांव कै यीशु मसीह पौरमेशवर कै ढौबौशा आए रौआ थिया औरौ जू पवित्र आत्मा बौतांव सैजौ हमैशा साचौ औसौ।

प्रकाशितवाक्य 1:1

ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।

प्रकाशितवाक्य 1:19

“जू तुऐं दैख राए, तिथु लैख पा, यानी सैजी दुईनै बातो जू इबी हौंदी लागै रैई औरौ जू बाद मै हौंदी।”