यूहन्ना 16:11 - सिरमौरी नौवाँ नियम

¹¹ औरौ न्याय कै बारै मुंजी यकीन दिलांदा कै इयौं दुनिया का ठोगड़ा शैतान दोषी ठोहराए गौआ।”

Sirmouri

¹¹ नियाँव के बारे दो; ईन्देंखे के संईसारी का हाकम शैतान दोषी-कसूरबार बंणाँऐ पाया।

यूहन्ना 16:11 ပူးပေါင်းရင်းမြစ်များ

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

मत्ती 12:36

औरौ हांव तुऔं खै बुलू, की जू-जू बुरी बातौ आदमी बौलल़ै, न्याय कै दूसै हर ऐक बातौ का लैखा दैंदै।

लूका 10:18

तैणै तिनु बौल़ौ, “जोबै दुष्टआत्मा तोंवारै आज्ञा मानौ, तौ मोऐं शैतान कै एकदम स्वर्ग शै बिजली छुटणौ कै जैशणा छुटदै बैई दैखा।

यूहन्ना 12:31

दुनिया दै लोगौ का न्याय कौरणौ कारिए पौरमेशवर का सौमय ऐबै आए रौआ, औरौ इयौं दुनिया का ठोगड़ा शैतान गाड़ै दिया जांदा।

यूहन्ना 14:30

मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी।

यूहन्ना 16:12

“मैरै तुऔं हौजौ बै बौरिशी बातौ बोताणी, पौरौ इबी तुऐं तिथु बरदाश ना कौरे सौकौ।

प्रेरितो कै काम 10:42

औरौ तैणै आमु आज्ञा दै कै सौबी लोगौ मुंजी प्रचार कौरेया औरौ गवाही दैया कै यीशु सैजाई औसौ जैसी पौरमेशवरे जियुंदै औरौ मौरेयौंदे का न्यायी बाणै राए।

प्रेरितो कै काम 24:25

जोबै पौलुसे जू पौरमेशवर कै सामणै साचा औसौ औरौ आपणी इछावं पांदी काबू राखौ औरौ पौरमेशवर दवारा आणौवाल़ै न्याय कै बारै मुंजी बौताणौ शुरु कियु, तौ फेलिक्से डौरेयौ जोवाब दिया, “इबी तौ तू जा; जोबै मुंकैई सौमय हौला, हांव आपी ताखै बोईददा।”

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

कुलुस्सियों 2:15

औरौ पौरमेशवरे मसीह कै क्रूस पांदी मौरणौ कै दवारा दुनिया कै औधिकारो औरौ प्रधानताओं कै हरायो तिनु सौबी कै सामणै बैज्जत कौरे औरौ तिनु पांदी जीतेयो तिनका खुलैआम तमाशा बाणा।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

इब्रानियों 6:2

औरौ आमु बपतिस्मा कै बारै मुंजी, औरौ कोसी पांदी हाथ राखैयौ आशीष दैणौ कै बारै मुंजी, औरौ मौरेयौंदे मुंजीदै जियुंदी हौणौ कै बारै मुंजी, औरौ आखरी न्यांव की शिक्षा कै नीयुं औटेयौ पाणौ कै जौरुरत ना आथी।

इब्रानियों 9:27

हरेक आदमी कै ऐक बैई मौरणौ तय औसौ। मौत कै बाद, पौरमेशवर हरेक आदमी का न्याय कौरदा।

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।