यूहन्ना 15:27 - सिरमौरी नौवाँ नियम

²⁷ औरौ तुऐं बै गवाह औसौ जिथुकै तुऐं शुरु दै ऊबै मैरै साथै रौए रौवै।”

Sirmouri

²⁷ अरह् तुँऐं भे मेरे बारे दी गुवाऐ-शाज़्त्त देले; किन्देंखे के तुऐं शुरू शे ही ऊँबे मेरी गईलो रंऐ रूऐ।

यूहन्ना 15:27 ပူးပေါင်းရင်းမြစ်များ

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

लूका 24:48

तुऐं इनु सौबी बातौ कै गवाह औसौ।

यूहन्ना 19:35

जैसी आदमीए ऐजौ सौबै दैखौ, तैणै ऐजी गवाही दी की तुऐं बै यीशु पांदी बिशवाश कौरौ; जिथुकै तैसकै गवाही साची औसौ। औरौ सै जाणौए कै सै साचौ बौल़ौ।

यूहन्ना 21:24

जैसी चैलै ऐजौ सौबै ठुँ दैखौ, तैणै गवाही दैय राए, ताकि तुऐं बै यीशु पांदी बिशवाश कौरे सौकौ। औरौ तैसकै गवाही साची औसौ। औरौ सै जाणौए कै सै सौचाई शै बौल़ौ।

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 13:31

औरौ सै तिनु जू तैसकै साथी गलील जिले शै यरूशलेम शहर दै आए रौवै थिए, बौहितै दूसौ तौड़ी आपणै चैलै खै दैखिंदा रौआ; लोगौ कै सामणै ऐबै जिनुवै तैसी दैखा सैजैई तैसकै गवाह औसौ।

प्रेरितो कै काम 18:5

जोबै सीलास औरौ तीमुथियुस मकिदुनिया प्रदेश दै ओऊवे, तौ पौलुसे तोम्बू बाणणौ कै काम बंद कौरे दियै औरौ पौलुस वचन शुणाणौ कै धुनो दा लागैयो यहूदी लोगौ खै गवाही दैंव थिया कै यीशु ही मसीह औसौ।

प्रेरितो कै काम 23:11

तैसी रातै प्रभु यीशुए पौलुस कै धोरे खौड़ै हौयौ बौल़ौ, “ओए रै पौलुस सब्र राख; जिथुकै जैशणै तुऐं यरूशलेम शहर दै मैरै गवाही दै, तैशैखैई ताखै रोम देश दै बै गवाही दैणी पौड़दै।”

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

प्रेरितो कै काम 4:20

जिथुखै ऐजौ तौ आमु शै हौए ना सौकौ, कै जू आमुए दैखै औरौ शौणै राए, सैजौ ना बुलू।”

प्रेरितो कै काम 4:33

चोणेयौंदे चैलै बौड़ै अनौखी शौकतै लैई यीशु कै जियुंदी हौणौ कै औटेयौ गवाही दैंव थिए औरौ तिनु सौबी पांदी बौड़ा अनुग्रह थिया।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

1 पतरस 5:12

मोऐं ऐजै ठिकड़ी चिट्ठी सीलास कै मौदद लैई लिखै औरौ तुऔं भैजै राए। हांव तैसी मसीह दा ऐक ईमानदार बिशवाशी भाई मानु। मैरा चिट्ठी कै लिखणौ का मकसद तुऔं हिम्मत दैणा औरौ तुऔं बैचींत कौरणा औसौ कै जू बै तुऐं महसूस कौरे लौ सै सौथीखै तोंवारै ढौबौ पौरमेशवर कै अनुग्रह का हिस्सा औसौ। ऐसी अनुग्रह दै मजबूत रौंव।

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।

प्रकाशितवाक्य 1:2

यूहन्नाए सैजौ सौब ठुँ लिखु, जू तैणै दैखौ, यानी सैजा सौंदेश जू पौरमेशवर कै ढौबौशा आए रौआ थिया औरौ सैजौ सौब ठुँ जू यीशु मसीहे बौल़ै राए थियु।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।