यूहन्ना 15:24 - सिरमौरी नौवाँ नियम

²⁴ जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

Sirmouri

²⁴ जे हाँव तिनके बीच दे सेजे काँम-काज़ ने करदा, जुण्जें कुँऐ ओका ने करी सक्दा; तअ से दोषी-कसूरबार ने बंण्दे थिऐ; परह् ऐबे तिन्ऐं मुँह देखी थुवा, अरह् तिन्ऐ मुँह अरह् बाबा दुईं आरी बंईर करी थुओं।

यूहन्ना 15:24 ပူးပေါင်းရင်းမြစ်များ

मत्ती 11:5

की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 21:32

जिथु यूहन्ना बपतिस्मा दाताए तुऔं खै बौतौऊं कै कैशैखै सोही ढंग शै जीणु चैंई, औरौ तुऐं तैसी पांदी बिशवाश ना कौरी, पौरौ मामला लोणो वाल़ै औरौ वेश्याए पाप कौरणै छोड़े दिए: औरौ तुऐं इथु दैखैयो बै पोछतैई ना, कै तैसका बिशवाश कौर पांदै।”

मत्ती 9:33

औरौ जोबै यीशुए दुष्टआत्मा कै तैसी आदमी पौरैशै बायरै निकाल़ै दै, तोबै सैजा गुंगा बौलांदा लागै गौआ, औरौ भीड़ हैरान हौयौ बौलदै लागै की, “इस्राएल देश दो ऐशैखै कौलोंई बै ना दैखी।”

मरकुस 2:12

सै ऊबा भीजा, औरौ तौलोंई ल़ौहथ टेपेयो सौबी कै सामणै दा निकल़ैयो हौटै गौआ; इथपांदी ‌‌‌सोबै हैरान हौए गौवै, औरौ पौरमेशवर कै बौड़ाए कौरेयौ बौलदै लागै, “आमुए ऐशणा चौमत्कार कौलोंई ना दैखी।”

लूका 24:19

तैणै तिनुवांदो पूछु, “कुणजी बातौ?” तिनुऐ तैसी बौल़ौ, “नासरत गांव का यीशु कै बारै मुंजी जू पौरमेशवर औरौ सौबी लोगौ कै सामणै तैणै शौकतीशाली चौमत्कार औरौ अनौखै काम कौरे औरौ पौरमेशवर की बातौ बौताणौवाल़ा थिया।

यूहन्ना 10:32

इथपांदी यीशुए तिनुखै बौल़ौ, “मोऐं तुऔं आपणै पिता पौरमेशवर कै ढौबौशै बौहितै भले काम दिखाए राए, तिनुमुंजी दै कोसी काम कारिए तुऐं मुखै मारणौ कारिए पाथर टिपो?”

यूहन्ना 10:37

जै हांव आपणै पिता पौरमेशवर कै काम नी कौरदा, तौ मैरा बिशवाश ना कौरौ।

यूहन्ना 12:10

तोबै मुख्य यहूदी पुरोहिते लाजर कै मारणौ का षडयंत्र रौचा।

यूहन्ना 12:45

औरौ जू कुणिए मुखै दैखौ, सै मैरै भैजणौवाल़ै पौरमेशवर कै दैखौ।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

यूहन्ना 15:22

जै हांव ना आन्‍दा औरौ तिनुआरी बातौ नी कौरदा, तौ सै पापी ना ठोहरदै, पौरौ ऐबै तिनुवागे तिनकै पाप कारिए कुणजाई बाना ना आथी।

यूहन्ना 15:23

जू मुं आरी बोयर राखौ, सै मैरै पिता पौरमेशवर आरी बै बोयर राखौ।

यूहन्ना 16:9

सै पाप कै बारै मुंजी यकीन दिलांदा कै सै मुं पांदी बिशवाश कौरणौ शै इन्कार कौरौ।

यूहन्ना 3:2

तैणै रातै यीशु कै धोरे आयौ बौल़ौ, “ओए रै गुरुजी, आमै जाणुए कै पौरमेशवरे ताखै आमु शिखाणौ कारिए छाड़ै राए, जिथुकै कुणिए बै इनु निशान या चौमत्कारो खै जू तू दिखाए, जै पौरमेशवर तैसकै साथै नी हौंव, तौ दिखाए ना सौकौ।”

यूहन्ना 5:36

मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 6:36

पौरौ मोऐं तुऔं औगौड़ियौ बौल़ै राए थियु, कै भले ही तुऐं मुखै दैखौ, तोबै बै मुं पांदी बिशवाश ना कौरौ।

यूहन्ना 7:31

औरौ भीड़ौ मुंजीदै बौहितै लोगै तैसी पांदी बिशवाश कौरा, औरौ बौलदै लागै, “मसीह जौल़ौ आला, तोलो का इदै जादा निशान खै दिखांदा जू ऐणै दिखाए राए?”

यूहन्ना 9:32

जौल़ौ दै उंडै दुनिया कै रचना कौरे राए थै, तोबै शै शुणणौ दै ना आई कै कुणिए जन्म कै आन्धै की आखी कै ठीक कौरी हौं।

यूहन्ना 9:41

यीशुए तिनुखै बौल़ौ, “जै तुऐं आन्धै हौंदै तौ तुऐं पापी नी ठोहरदै पौरौ ऐबै बौल़ौ, कै आमै दैखुए, औरौ इथकारिए तुऔं माफी ना भैटदै।”

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 2:22

“ओए रै इस्राएल देश कै लोगौ ऐजी बात शुणौ, नासरत गांव का यीशु ऐक ऐशणा आदमी थिया, जैसीखै पौरमेशवरे तोंवारै सामणै साबित कौरे राए थिया, कै तैणै तिनु चौमत्कार कै कामौ औरौ अनौखै काम औरौ निशानो कै दवारा जू पौरमेशवरे तैसकै दवारा तोंवारै बीच मुंजी कौरेयौ दिखाए। जोबै कै ऐजै सौचाई तुऐं आपी बै जाणौए।

रोमियों 1:30

गप्पे लाणौ वाल़ै, नेंदैया कौरणौवाल़ै, पौरमेशवर शै नफरत कौरणौवाल़ै, झोगड़ालु, घमण्डी, तानै मारणौ वाल़ै, बुरी-बुरी बातौ कै बाणणौवाल़ै, माँ-बापू कै आज्ञा ना मानणोवाल़ै,

2 तीमुथियुस 3:4

औरौ धौखा दैणौवाल़ै, जिद्दी, घमण्डी औरौ पौरमेशवर कै नी पौरौ सुख विलास कै चाणो वाल़ै हौन्दै।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।